๑๑. ภทฺทวคฺคิยกถา

๓๖. ภทฺทํ รูปญฺจ จิตฺตญฺจ เอเตสมตฺถีติ ภทฺทกา. วคฺคพนฺธนํ วคฺโค อุตฺตรปทโลเปน, วคฺเคน จรนฺตีติ วคฺคิยา. ภทฺทกา จ เต วคฺคิยา จาติ ภทฺทวคฺคิยา กการโลเปนาติ อตฺถํ ทสฺเสนฺโต อาห ‘‘ภทฺทวคฺคิยา’’ติอาทิ. ‘‘โวกาโร นิปาตมตฺโต’’ติ อิมินา ตุมฺหสทฺทสฺส จ โยวจนสฺส จ การิยภาวํ นิวตฺเตติ. หีติ สจฺจํ. เตติ ภทฺทวคฺคิยา. อิทนฺติ ปญฺจสีลรกฺขนํ. ปุพฺพกมฺมนฺติ ปุพฺเพ อุปจิตํ กุสลกมฺมํ.