๗. สญฺจิจฺจสิกฺขาปทํ

๔๖๔. สตฺตเม อุปปุพฺพทหธาตุสฺส สกมฺมิกตฺตา การิตนฺโตคธภาวํ ทสฺเสตุํ วุตฺตํ ‘‘อุปฺปาเทนฺตี’’ติ. ‘‘อนุปสมฺปนฺนสฺสา’’ติ เอตฺถ อการสฺส สทิสตฺถํ ทสฺเสตุํ วุตฺตํ ‘‘สามเณรสฺสา’’ติ. สามเณโรปิ หิ อุปสมฺปนฺเนน สทิโส โหติ สณฺฐาเนน จ ปุริสภาเวน จ. สามเณรสฺส กุกฺกุจฺจํ อุปทหตีติ สมฺพนฺโธ. นิสินฺนํ มญฺเญ, นิปนฺนํ มญฺเญ, ภุตฺตํ มญฺเญ, ปีตํ มญฺเญ, กตํ มญฺเญติ โยชนา. นิสินฺนนฺติ นิสีทิตํ. นิปนฺนนฺติ นิปชฺชิตนฺติ. สตฺตมํ.