๒๐. อวนฺทิยนิทฺเทสวณฺณนา

๑๗๒. อุกฺขิตฺโตติ อาปตฺติยา อทสฺสเน อปฺปฏิกมฺเม จ อุกฺขิตฺตโก ปาปิกาย ทิฏฺฐิยา อปฺปฏินิสฺสคฺเค อุกฺขิตฺตโกติ ติวิโธ อุกฺขิตฺตโก. นานาสํวาสโก นาม ลทฺธินานาสํวาสโกปิ กมฺมนานาสํวาสโกปิ. ครุกฏฺโฐ จาติ ปาริวาสิโก มูลายปฏิกสฺสนารโห มานตฺตารโห มานตฺตจารี อพฺภานารโห จ อิธ ครุกฏฺโฐติ อธิปฺเปโต. อิเมหิ ปน อญฺญมญฺญํ วนฺทิตุํ วฏฺฏตีติ.

อวนฺทิยนิทฺเทสวณฺณนา นิฏฺฐิตา.