๔๗. สุทฺธินิทฺเทโส

สุทฺธีติ –

๔๕๕. เทสนา สํวโร เอฏฺฐิปจฺจเวกฺขณ เภทโต;

สุทฺธี จตุพฺพิธา ปาติโมกฺขสํวรสมฺมตํ;

เทสนาย วิสุทฺธตฺตา, เทสนาสุทฺธิ วุจฺจติ.

๔๕๖. ‘‘น ปุเนวํ กริสฺส’’นฺติ, จิตฺตาธิฏฺฐานสํวรา;

วุตฺโต สํวรสุทฺธีติ, สุชฺฌตินฺทฺริยสํวโร.

๔๕๗. ปหายาเนสนํ ธมฺเมนุปฺปาเทนฺตสฺส เอฏฺฐิยา;

สุทฺธตฺตา เอฏฺฐิสุทฺธีติ, วุตฺตมาชีวนิสฺสิตํ.

๔๕๘. โยนิโส ปฏิสงฺขาย, จีวรํ ปฏิเสวติ;

เอวมาทิยถาวุตฺต-ปจฺจเวกฺขณสุชฺฌนา;

ปจฺจเวกฺขณสุทฺธีติ, วุตฺตํ ปจฺจยนิสฺสิตนฺติ.