๒๒. อุปาหนนิทฺเทโส

อุปาหนา เจวาติ –

๑๗๕. มชฺฌเทเส น กปฺปนฺติ, คณงฺคณูปาหนา นวา;

สพฺพสฺส กปฺปนฺตาราเม, สพฺพตฺถากลฺลกสฺส จ.

๑๗๖. สพฺพนีลกโอทาตปีตโลหิตกณฺหกา;

มหารงฺคมหานาม-รงฺครตฺตา จุปาหนา.

๑๗๗. สพฺพมญฺเชฏฺฐิกา จิตฺรา, นีลปีตาทิวทฺธิกา;

ติตฺติรปตฺติกา เมณฺฑ-อชวิสาณวทฺธิกา.

๑๗๘. ขลฺลพทฺธา ปุฏพทฺธา, ตูลปุณฺณา จุปาหนา;

ปาลิคุณฺฐิมกา โมร-ปิญฺเฉน ปริสิพฺพิตา.

๑๗๙. วิจฺฉิกาฬิกตา สีหพฺยคฺฆุทฺทาชินทีปินํ;

มชฺชารกาฬโกลูกจมฺเมหิ จ ปริกฺขฏา;

ปาทุกา สงฺกมนียา, โกจิ ธาเรยฺย ทุกฺกฏํ.

๑๘๐. นีลาทิวณฺณํ สกลํ, ปุญฺฉิตฺวา เวกเทสกํ;

อุปาหนา วฬญฺเชยฺย, หาเรตฺวา ขลฺลกาทิกนฺติ.