๑๑. นิสฺสคฺคิยนิทฺเทโส

นิสฺสคฺคิยานีติ –

๑๑๖. อรูปิยํ รูปิเยน, รูปิยํ อิตเรน จ;

รูปิยํ ปริวตฺเตยฺย, นิสฺสคฺคิ อิธ รูปิยํ.

๑๑๗. กหาปโณ สชฺฌุ สิงฺคี, โวหารูปคมาสกํ;

วตฺถมุตฺตาทิ อิตรํ, กปฺปํ ทุกฺกฏวตฺถุ จ.

๑๑๘. ‘‘อิมํ คเหตฺวา ภุตฺวา วา, อิมํ เทหิ กรานย;

เทมิ วา’’ติ สมาปนฺเน, นิสฺสคฺคิ กยวิกฺกเย.

๑๑๙. อตฺตโน อญฺญโต ลาภํ, สงฺฆสฺสญฺญสฺส วา นตํ;

ปริณาเมยฺย นิสฺสคฺคิ, ปาจิตฺติ จาปิ ทุกฺกฏํ.

๑๒๐. อนิสฺสชฺชิตฺวา นิสฺสคฺคึ, ปริภุญฺเช น เทยฺย วา;

นิสฺสฏฺฐํ สกสญฺญาย, ทุกฺกฏํ อญฺญเถตรนฺติ.