๒. จีวรวคฺโค

๑๑. ครุปาวุรณสิกฺขาปทวณฺณนา

ยสฺมา ปวาริตฏฺฐาเน วิญฺญตฺติ นาม น ปฏิเสเธตพฺพา, ตสฺมา ภควา ธมฺมนิมนฺตนวเสน ปวาริตฏฺฐาเน ‘‘วเทถายฺเย, เยนตฺโถ’’ติ (สารตฺถ. ฏี. ปาจิตฺติย ๓.๗๘๔) วุตฺตาย จตุกฺกํสปรมํ วิญฺญาเปตพฺพนฺติ ปริจฺเฉทํ ทสฺเสตีติ เวทิตพฺพํ. เตเนว ‘‘เจตาเปตพฺพนฺติ ฐเปตฺวา สหธมฺมิเก จ ญาตกปฺปวาริเต จ อญฺเญน กิสฺมิญฺจิเทว คุเณ ปริตุฏฺเฐน ‘วเทถายฺเย, เยนตฺโถ’ติ วุตฺตาย วิญฺญาเปตพฺพ’’นฺติ วุตฺตํ. ราชานนฺติ ปเสนทิโกสลราชานํ.

ครุปาวุรณสิกฺขาปทวณฺณนา นิฏฺฐิตา.

๑๒. ลหุปาวุรณสิกฺขาปทวณฺณนา

ทุติยํ อุตฺตานตฺถเมว.

ลหุปาวุรณสิกฺขาปทวณฺณนา นิฏฺฐิตา.

จีวรวคฺโค ทุติโย.

อิติ กงฺขาวิตรณิยา ปาติโมกฺขวณฺณนาย

วินยตฺถมญฺชูสายํ ลีนตฺถปฺปกาสนิยํ

ภิกฺขุนิปาติโมกฺเข นิสฺสคฺคิยวณฺณนา นิฏฺฐิตา.