สาธารณปาราชิกํ

๑. เมถุนธมฺมสิกฺขาปทวณฺณนา

อภิลาปมตฺตนฺติ วจนมตฺตํ, น อตฺโถติ อธิปฺปาโย. ลิงฺคเภทมตฺตนฺติ ปุริสลิงฺคํ อิตฺถิลิงฺคนฺติ วิเสสมตฺตํ. วิเสโสติ นานาตฺตํ. ฉนฺเทน เจวาติ เปเมน เจว, สิเนเหน เจวาติ อตฺโถ. รุจิยา จาติ อิจฺฉาย จ. ปธํสิตายาติ ทูสิตาย. ปริปุณฺณา อุปสมฺปทา ยสฺสา สา ปริปุณฺณูปสมฺปทา, อุภโตสงฺเฆน อุปสมฺปนฺนาติ อตฺโถ.

เมถุนธมฺมสิกฺขาปทวณฺณนา นิฏฺฐิตา.