๙. นวกนิทฺเทสวณฺณนา

๙๖๐-๙๖๓. ทสมสฺสาติ อฏฺฐานฆาตสฺส.

อชฺฌตฺตนฺติ โคจรชฺฌตฺตํ อธิปฺเปตํ. เอตสฺส คาถาวจนสฺส. นิฏฺฐเปตฺวาติ อภินิวิสฺส.

๙๖๔. อญฺเญสํ ผสฺสาทีนํ สงฺขตภาเว ยถาสกํปจฺจเยหิ. เยนากาเรน มานสฺส สาติสยา ปวตฺติ, ตํ ทสฺเสตุํ ‘‘อหนฺติ, อสฺมีติ จา’’ติ วุตฺตํ. อตฺตโนติ ทิฏฺฐิคตปริกปฺปิตสฺส อตฺตโน. ยถา มานสฺส สมฺปคฺคหวเสน, เอวํ ตณฺหาย มมตฺตวเสน, ทิฏฺฐิยา นิจฺจาทิวเสน ปวตฺติ วิเสสวตี สมาเนปิ อนาคตกาลามสเนติ อาห ‘‘ภวิสฺสนฺตี…เป… วุตฺโต’’ติ. ‘‘อหมสฺมี’’ติ ปน ปวตฺตมานสฺเสว ภวตีติ สพฺพปทสาธารณสฺส มานสฺเสว วเสน อิญฺชิตาทิตา อฏฺฐกถายํ วุตฺตา.

นวกนิทฺเทสวณฺณนา นิฏฺฐิตา.