๓. ปญฺหปุจฺฉกวณฺณนา

๖๙๙. กถิตานํ กุสลาทิธมฺมานํ. อิมสฺมึ ปน อปฺปมญฺญาวิภงฺเค กถิตา อปฺปมญฺญา, ตา จ สภาวโต โลกิยา เอว, น ขนฺธวิภงฺคาทีสุ กถิตา ขนฺธาทโย วิย โลกุตฺตราปีติ เอกํสโต สพฺพาสํ อปฺปมญฺญานํ โลกิยภาวเมว ทีเปตุํ อฏฺฐกถายํ ‘‘อิมสฺมึ ปนา’’ติอาทิ วุตฺตนฺติ อิมมตฺถํ ทสฺเสนฺโต อาห ‘‘อิมสฺมึ ปน…เป… โหตี’’ติ.

ปญฺหปุจฺฉกวณฺณนา นิฏฺฐิตา.

อปฺปมญฺญาวิภงฺควณฺณนา นิฏฺฐิตา.