๑๑. กมฺมูปจยกถาวณฺณนา

๗๓๘-๗๓๙. กมฺเมน สหชาโตติ ปเญฺหสุ ‘‘กมฺมูปจยํ สนฺธาย ปฏิกฺขิปติ, จิตฺตวิปฺปยุตฺตํ สนฺธาย ปฏิชานาตี’’ติ กตฺถจิ ปาโฐ, ‘‘จิตฺตสมฺปยุตฺตํ สนฺธาย ปฏิกฺขิปติ, จิตฺตวิปฺปยุตฺตํ สนฺธาย ปฏิชานาตี’’ติ อญฺญตฺถ. อุภยมฺปิ วิจาเรตพฺพํ.

๗๔๑. ตสฺมาติ ติณฺณมฺปิ เอกกฺขเณ สพฺภาวโต ติณฺณํ ผสฺสานญฺจ สโมธานา จ เอกตฺตํ ปุจฺฉตีติ อธิปฺปาโย ทฏฺฐพฺโพ.

กมฺมูปจยกถาวณฺณนา นิฏฺฐิตา.

ปนฺนรสมวคฺควณฺณนา นิฏฺฐิตา.

ตติโย ปณฺณาสโก สมตฺโต.