(๑๐) ๕. กกุธวคฺโค
๑-๑๐. ปฐมสมฺปทาสุตฺตาทิวณฺณนา
๙๑-๑๐๐. ปญฺจมสฺส ปฐเม ทุติเย จ นตฺถิ วตฺตพฺพํ. ตติเย อาชานนโต อญฺญา, อุปริมคฺคปญฺญา เหฏฺฐิมมคฺเคน ญาตปริญฺญาย เอว ชานนโต. ตสฺสา ปน ผลภาวโต มคฺคผลปญฺญา ตํสหคตา สมฺมาสงฺกปฺปาทโย จ อิธ ‘‘อญฺญา’’ติ วุตฺตา. อญฺญาย พฺยากรณานิ อญฺญาพฺยากรณานิ. เตเนวาห ‘‘อญฺญาพฺยากรณานีติ อรหตฺตพฺยากรณานี’’ติ. อธิคตมาเนนาติ อปฺปตฺเต ปตฺตสญฺญี, อนธิคเต อธิคตสญฺญี หุตฺวา อธิคตํ มยาติ มาเนน. จตุตฺถาทีนิ อุตฺตานตฺถาเนว.
ปฐมสมฺปทาสุตฺตาทิวณฺณนา นิฏฺฐิตา.
กกุธวคฺควณฺณนา นิฏฺฐิตา.
ทุติยปณฺณาสกํ นิฏฺฐิตํ.