๒๑. เอกวีสติโม ปริจฺเฉโท

ปฏิปทาญาณทสฺสนวิสุทฺธินิทฺเทสวณฺณนา

๑๒๙๙. อุปลฺเลสวิมุตฺตํ สุวิสทํ ญาณนฺติ อฏฺฐวิธญาณํ สนฺธายาห.

๑๓๐๒. สจฺจานุโลมญาณนฺติ อยเมว ปวุจฺจติ.

๑๓๐๖. อยํ สิขาปตฺตา วิปสฺสนา เอว สจฺจานุโลมญาณํ นาม ปวุจฺจติ.

๑๓๐๙. ภวงฺคานนฺตรํ สงฺขารุ-เปกฺขาคตนเยนาติ ภวงฺคานนฺตรํ สงฺขารุเปกฺขาสงฺขาเตน ญาเณน กตนเยน.

๑๓๑๔-๖. โพธิปกฺขิยธมฺมานํ, อุทฺธญฺจ อนุโลมโตติ อุทฺธํ วตฺตมานานํ โพธิปกฺขิยธมฺมานํ อนุโลมโต, อิทํ อนุโลมญาณํ วุฏฺฐานคามินิยา ปริโยสานํ นาม ภาสิตํ มเหสินา กถิตํ. สจฺจานุโลมญาณํ อาหจฺจ อุปฺปนฺนา, สพฺพปฺปกาเรน โคตฺรภุปริโยสานํ.

๑๓๑๘. ตตฺถาติ วิปสฺสนาย.

อิติ อภิธมฺมาวตารฏีกาย

ปฏิปทาญาณทสฺสนวิสุทฺธินิทฺเทสวณฺณนา นิฏฺฐิตา.

เอกวีสติโม ปริจฺเฉโท.