๗. ปฏฺฐานมาติกา

เหตุปจฺจโย อารมฺมณปจฺจโย อธิปติปจฺจโย อนนฺตรปจฺจโย สมนนฺตรปจฺจโย สหชาตปจฺจโย อญฺญมญฺญปจฺจโย นิสฺสยปจฺจโย อุปนิสฺสยปจฺจโย ปุเรชาตปจฺจโย ปจฺฉาชาตปจฺจโย อาเสวนปจฺจโย กมฺมปจฺจโย วิปากปจฺจโย อาหารปจฺจโย อินฺทฺริยปจฺจโย ฌานปจฺจโย มคฺคปจฺจโย สมฺปยุตฺตปจฺจโย วิปฺปยุตฺตปจฺจโย อตฺถิปจฺจโย นตฺถิปจฺจโย วิคตปจฺจโย อวิคตปจฺจโยติ (ปฏฺฐา. ๑.๑.ปจฺจยุทฺเทส).

ปฏฺฐานมาติกา นิฏฺฐิตา.

นิคมนํ

สตฺตปฺปกรณนามโต, อภิธมฺมมเทสยิ;

เทวาติเทโว เทวานํ, เทวโลกมฺหิ ตํ ปุเร.

ตสฺสายํ มาติกา สพฺพา, สกลสฺสาปิ อุทฺธรา;

จิรฏฺฐิตตฺถํ ธมฺมสฺส, ตํ ปคฺคณฺหนฺตุ สาธโว.

ทฺวาวีสติ ติกา เจว, ตเถว เหตุโคจฺฉกํ;

จูฬนฺตรทุกา สตฺต, โคจฺฉกา จ ตโต ปรํ.

มหนฺตรทุกา จาปิ, ตโต จุทฺทส นิทฺทิเส;

โคจฺฉกานิ ทุเว ปิฏฺฐิ-ทุกานิฏฺฐารเสทิสา.

ทฺวาจตฺตาลีส สุตฺตนฺต-ทุกา เตวนฺติ ปญฺจธา;

สตฺตปฺปกรณิกา ภินฺนา, ธมฺมสงฺคณิมาติกา.

อภิธมฺมมาติกาปาฬิ นิฏฺฐิตา.

นโม ตสฺส ภควโต อรหโต สมฺมาสมฺพุทฺธสฺส