๗. มหาปญฺญวคฺโค

๑. มหาปญฺญาสุตฺตํ

๑๐๕๘. ‘‘จตฺตาโรเม, ภิกฺขเว, ธมฺมา ภาวิตา พหุลีกตา มหาปญฺญตาย สํวตฺตนฺติ. กตเม จตฺตาโร? สปฺปุริสสํเสโว, สทฺธมฺมสฺสวนํ, โยนิโสมนสิกาโร, ธมฺมานุธมฺมปฺปฏิปตฺติ – อิเม โข, ภิกฺขเว, จตฺตาโร ธมฺมา ภาวิตา พหุลีกตา มหาปญฺญตา สํวตฺตนฺตี’’ติ. ปฐมํ.

๒. ปุถุปญฺญาสุตฺตํ

๑๐๕๙. … ปุถุปญฺญตา สํวตฺตนฺตี’’ติ. ทุติยํ.

๓. วิปุลปญฺญาสุตฺตํ

๑๐๖๐. … วิปุลปญฺญตา สํวตฺตนฺตี’’ติ. ตติยํ.

๔. คมฺภีรปญฺญาสุตฺตํ

๑๐๖๑. … คมฺภีรปญฺญตา สํวตฺตนฺตี’’ติ. จตุตฺถํ.

๕. อปฺปมตฺตปญฺญาสุตฺตํ

๑๐๖๒. … อปฺปมตฺตปญฺญตา สํวตฺตนฺตี’’ติ. ปญฺจมํ.

๖. ภูริปญฺญาสุตฺตํ

๑๐๖๓. … ภูริปญฺญตา สํวตฺตนฺตี’’ติ. ฉฏฺฐํ.

๗. ปญฺญาพาหุลฺลสุตฺตํ

๑๐๖๔. … ปญฺญาพาหุลฺลา สํวตฺตนฺตี’’ติ. สตฺตมํ.

๘. สีฆปญฺญาสุตฺตํ

๑๐๖๕. … สีฆปญฺญตา สํวตฺตนฺตี’’ติ. อฏฺฐมํ.

๙. ลหุปญฺญาสุตฺตํ

๑๐๖๖. … ลหุปญฺญตา สํวตฺตนฺตี’’ติ. นวมํ.

๑๐. หาสปญฺญาสุตฺตํ

๑๐๖๗. … หาสปญฺญตา สํวตฺตนฺตี’’ติ. ทสมํ.

๑๑. ชวนปญฺญาสุตฺตํ

๑๐๖๘. … ชวนปญฺญตา สํวตฺตนฺตี’’ติ. เอกาทสมํ.

๑๒. ติกฺขปญฺญาสุตฺตํ

๑๐๖๙. … ติกฺขปญฺญตา สํวตฺตนฺตี’’ติ. ทฺวาทสมํ.

๑๓. นิพฺเพธิกปญฺญาสุตฺตํ

๑๐๗๐. … นิพฺเพธิกปญฺญตา สํวตฺตนฺติ. กตเม จตฺตาโร? สปฺปุริสสํเสโว, สทฺธมฺมสฺสวนํ, โยนิโสมนสิกาโร, ธมฺมานุธมฺมปฺปฏิปตฺติ – อิเม โข, ภิกฺขเว, จตฺตาโร ธมฺมา ภาวิตา พหุลีกตา นิพฺเพธิกปญฺญตาย สํวตฺตนฺตี’’ติ. เตรสมํ.

มหาปญฺญวคฺโค สตฺตโม.

ตสฺสุทฺทานํ –

มหา ปุถุ วิปุล-คมฺภีรํ, อปฺปมตฺต-ภูริ-พาหุลฺลํ;

สีฆ-ลหุ-หาส-ชวน, ติกฺข-นิพฺเพธิกาย จาติ.

โสตาปตฺติสํยุตฺตํ เอกาทสมํ.