๔๖-๔๙. โคจรมูลกอภินีหารสุตฺตาทิจตุกฺกํ

๗๐๗. สาวตฺถินิทานํ… ‘‘สมาธิสฺมึ โคจรกุสโล โหติ, น สมาธิสฺมึ อภินีหารกุสโล… สมาธิสฺมึ อภินีหารกุสโล โหติ, น สมาธิสฺมึ โคจรกุสโล… เนว สมาธิสฺมึ โคจรกุสโล โหติ, น จ สมาธิสฺมึ อภินีหารกุสโล… สมาธิสฺมึ โคจรกุสโล จ โหติ, สมาธิสฺมึ อภินีหารกุสโล จ… เสยฺยถาปิ, ภิกฺขเว, ควา ขีรํ, ขีรมฺหา ทธิ, ทธิมฺหา นวนีตํ, นวนีตมฺหา สปฺปิ, สปฺปิมฺหา สปฺปิมณฺโฑ ตตฺร อคฺคมกฺขายติ; เอวเมว โข, ภิกฺขเว, ยฺวายํ ฌายี สมาธิสฺมึ โคจรกุสโล จ โหติ สมาธิสฺมึ อภินีหารกุสโล จ อยํ อิเมสํ จตุนฺนํ ฌายีนํ…เป… อุตฺตโม จ ปวโร จา’’ติ. ฉจตฺตาลีสมํ.

๗๐๘. สมาธิสฺมึ โคจรกุสโล โหติ, น สมาธิสฺมึ สกฺกจฺจการี…เป…. วิตฺถาเรตพฺพํ. สตฺตจตฺตาลีสมํ.

๗๐๙. สมาธิสฺมึ โคจรกุสโล โหติ, น สมาธิสฺมึ สาตจฺจการี…เป…. อฏฺฐจตฺตาลีสมํ.

๗๑๐. สมาธิสฺมึ โคจรกุสโล โหติ, น สมาธิสฺมึ สปฺปายการี…เป…. เอกูนปญฺญาสมํ. (โคจรมูลกํ.)