๕. คุตฺติลวิมานํ

๑. วตฺถุตฺตมทายิกาวิมานวตฺถุ

๓๒๗. ‘‘สตฺตตนฺตึ สุมธุรํ, รามเณยฺยํ อวาจยึ;

โส มํ รงฺคมฺหิ อเวฺหติ, ‘สรณํ เม โหหิ โกสิยา’ติ.

๓๒๘. ‘‘อหํ เต สรณํ โหมิ, อหมาจริยปูชโก;

น ตํ ชยิสฺสติ สิสฺโส, สิสฺสมาจริย เชสฺสสี’’ติ.

๓๒๙. ‘‘อภิกฺกนฺเตน วณฺเณน, ยา ตฺวํ ติฏฺฐสิ เทวเต;

โอภาเสนฺตี ทิสา สพฺพา, โอสธี วิย ตารกา.

๓๓๐. ‘‘เกน เตตาทิโส วณฺโณ, เกน เต อิธ มิชฺฌติ;

อุปฺปชฺชนฺติ จ เต โภคา, เย เกจิ มนโส ปิยา.

๓๓๑. ‘‘ปุจฺฉามิ ตํ เทวิ มหานุภาเว, มนุสฺสภูตา กิมกาสิ ปุญฺญํ;

เกนาสิ เอวํ ชลิตานุภาวา, วณฺโณ จ เต สพฺพทิสา ปภาสตี’’ติ.

๓๓๒. สา เทวตา อตฺตมนา, โมคฺคลฺลาเนน ปุจฺฉิตา;

ปญฺหํ ปุฏฺฐา วิยากาสิ, ยสฺส กมฺมสฺสิทํ ผลํ.

๓๓๓. ‘‘วตฺถุตฺตมทายิกา นารี, ปวรา โหติ นเรสุ นารีสุ;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๓๔. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา [อจฺฉราสหสฺสสฺสาหํ ปวรา, (สฺยา.)] ปสฺส ปุญฺญานํ วิปากํ.

๓๓๕. ‘‘เตน เมตาทิโส วณฺโณ, เตน เม อิธ มิชฺฌติ;

อุปฺปชฺชนฺติ จ เม โภคา, เย เกจิ มนโส ปิยา.

๓๓๖. ‘‘อกฺขามิ เต ภิกฺขุ มหานุภาว, มนุสฺสภูตา ยมกาสิ ปุญฺญํ;

เตนมฺหิ เอวํ ชลิตานุภาวา, วณฺโณ จ เม สพฺพทิสา ปภาสตี’’ติ.

(อนนฺตรํ จตุรวิมานํ ยถา วตฺถุทายิกาวิมานํ ตถา วิตฺถาเรตพฺพํ [( ) นตฺถิ สี. โปตฺถเก])

๒. ปุปฺผุตฺตมทายิกาวิมานวตฺถุ (๑)

๓๓๗. ‘‘อภิกฺกนฺเตน วณฺเณน…เป… โอสธี วิย ตารกา.

๓๓๘. ‘‘เกน เตตาทิโส วณฺโณ…เป… เย เกจิ มนโส ปิยา.

๓๓๙. ‘‘ปุจฺฉามิ ตํ เทวิ มหานุภาเว…เป…

วณฺโณ จ เต สพฺพทิสา ปภาสตี’’ติ.

๓๔๐. สา เทวตา อตฺตมนา…เป… ยสฺส กมฺมสฺสิทํ ผลํ.

๓๔๑. ‘‘ปุปฺผุตฺตมทายิกา นารี, ปวรา โหติ นเรสุ นารีสุ;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๔๒. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๔๓. ‘‘เตน เมตาทิโส วณฺโณ…เป…

วณฺโณ จ เม สพฺพทิสา ปภาสตี’’ติ.

๓. คนฺธุตฺตมทายิกาวิมานวตฺถุ (๒)

๓๔๕. ‘‘อภิกฺกนฺเตน วณฺเณน…เป… โอสธี วิย ตารกา.

๓๔๖. ‘‘เกน เตตาทิโส วณฺโณ…เป… เย เกจิ มนโส ปิยา.

๓๔๗. ‘‘ปุจฺฉามิ ตํ เทวิ มหานุภาเว…เป…

วณฺโณ จ เต สพฺพทิสา ปภาสตี’’ติ.

๓๔๘. ‘‘สา เทวตา อตฺตมนา…เป… ยสฺส กมฺมสฺสิทํ ผลํ.

๓๔๙. ‘‘คนฺธุตฺตมทายิกา นารี, ปวรา โหติ นเรสุ นารีสุ;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๕๐. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๕๑. ‘‘เตน เมตาทิโส วณฺโณ…เป…

วณฺโณ จ เม สพฺพทิสา ปภาสตี’’ติ.

๔. ผลุตฺตมทายิกาวิมานวตฺถุ (๓)

๓๕๓. ‘‘อภิกฺกนฺเตน วณฺเณน…เป… โอสธี วิย ตารกา.

๓๕๔. ‘‘เกน เตตาทิโส วณฺโณ…เป… เย เกจิ มนโส ปิยา.

๓๕๕. ‘‘ปุจฺฉามิ ตํ เทวิ มหานุภาเว…เป…

วณฺโณ จ เต สพฺพทิสา ปภาสตี’’ติ.

๓๕๖. สา เทวตา อตฺตมนา…เป… ยสฺส กมฺมสฺสิทํ ผลํ.

๓๕๗. ‘‘ผลุตฺตมทายิกา นารี, ปวรา โหติ นเรสุ นารีสุ;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๕๘. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๕๙. ‘‘เตน เมตาทิโส วณฺโณ…เป… วณฺโณ จ เม สพฺพทิสา ปภาสตี’’ติ.

๕. รสุตฺตมทายิกาวิมานวตฺถุ (๔)

๓๖๑. ‘‘อภิกฺกนฺเตน วณฺเณน…เป… โอสธี วิย ตารกา.

๓๖๒. ‘‘เกน เตตาทิโส วณฺโณ…เป… เย เกจิ มนโส ปิยา.

๓๖๓. ‘‘ปุจฺฉามิ ตํ เทวิ มหานุภาเว…เป…

วณฺโณ จ เต สพฺพทิสา ปภาสตี’’ติ.

๓๖๔. สา เทวตา อตฺตมนา…เป… ยสฺส กมฺมสฺสิทํ ผลํ.

๓๖๕. ‘‘รสุตฺตมทายิกา นารี, ปวรา โหติ นเรสุ นารีสุ;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๖๖. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๖๗. ‘‘เตน เมตาทิโส วณฺโณ…เป…

วณฺโณ จ เม สพฺพทิสา ปภาสตี’’ติ.

๖. คนฺธปญฺจงฺคุลิกทายิกาวิมานวตฺถุ

๓๖๙. ‘‘อภิกฺกนฺเตน วณฺเณน…เป… โอสธี วิย ตารกา.

๓๗๐. ‘‘เกน เตตาทิโส วณฺโณ…เป…

วณฺโณ จ เต สพฺพทิสา ปภาสตี’’ติ.

๓๗๒. สา เทวตา อตฺตมนา…เป… ยสฺส กมฺมสฺสิทํ ผลํ.

๓๗๓. ‘‘คนฺธปญฺจงฺคุลิกํ อหมทาสึ, กสฺสปสฺส ภควโต ถูปมฺหิ;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๗๔. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๗๕. ‘‘เตน เมตาทิโส วณฺโณ…เป… วณฺโณ จ เม สพฺพทิสา ปภาสตี’’ติ.

(อนนฺตรํ จตุรวิมานํ ยถา คนฺธปญฺจงฺคุลิกทายิกาวิมานํ ตถา วิตฺถาเรตพฺพํ [( ) นตฺถิ สี. โปตฺถเก] )

๗. เอกูโปสถวิมานวตฺถุ (๑)

๓๗๗. ‘‘อภิกฺกนฺเตน วณฺเณน…เป…วณฺโณ จ เต สพฺพทิสา ปภาสตี’’ติ.

๓๘๐. สา เทวตา อตฺตมนา…เป…ยสฺส กมฺมสฺสิทํ ผลํ.

๓๘๑. ‘‘ภิกฺขู จ อหํ ภิกฺขุนิโย จ, อทฺทสาสึ ปนฺถปฏิปนฺเน;

เตสาหํ ธมฺมํ สุตฺวาน, เอกูโปสถํ อุปวสิสฺสํ.

๓๘๒. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๘๓. ‘‘เตน เมตาทิโส วณฺโณ…เป… วณฺโณ จ เม สพฺพทิสา ปภาสตี’’ติ.

๘. อุทกทายิกาวิมานวตฺถุ (๒)

๓๘๕. ‘‘อภิกฺกนฺเตน วณฺเณน…เป…วณฺโณ จ เต สพฺพทิสา ปภาสตี’’ติ.

๓๘๘. สา เทวตา อตฺตมนา…เป… ยสฺส กมฺมสฺสิทํ ผลํ.

๓๘๙. ‘‘อุทเก ฐิตา อุทกมทาสึ, ภิกฺขุโน จิตฺเตน วิปฺปสนฺเนน;

เอวํ ปิยรูปทายิกา มนาปํ, ทิพฺพํ สา ลภเต อุเปจฺจ ฐานํ.

๓๙๐. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๙๑. ‘‘เตน เมตาทิโส วณฺโณ…เป… วณฺโณ จ เม สพฺพทิสา ปภาสตี’’ติ.

๙. อุปฏฺฐานวิมานวตฺถุ (๓)

๓๙๓. ‘‘อภิกฺกนฺเตน วณฺเณน…เป… วณฺโณ จ เต สพฺพทิสา ปภาสตี’’ติ.

๓๙๖. สา เทวตา อตฺตมนา…เป… ยสฺส กมฺมสฺสิทํ ผลํ.

๓๙๗. ‘‘สสฺสุญฺจาหํ สสุรญฺจ, จณฺฑิเก โกธเน จ ผรุเส จ;

อนุสูยิกา อุปฏฺฐาสึ [สูปฏฺฐาสึ (สี.)], อปฺปมตฺตา สเกน สีเลน.

๓๙๘. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๓๙๙. ‘‘เตน เมตาทิโส วณฺโณ…เป… วณฺโณ จ เม สพฺพทิสา ปภาสตี’’ติ.

๑๐. อปรกมฺมการินีวิมานวตฺถุ (๔)

๔๐๑. ‘‘อภิกฺกนฺเตน วณฺเณน…เป… วณฺโณ จ เต สพฺพทิสา ปภาสตี’’ติ.

๔๐๔. สา เทวตา อตฺตมนา…เป… ยสฺส กมฺมสฺสิทํ ผลํ.

๔๐๕. ‘‘ปรกมฺมกรี [ปรกมฺมการินี (สฺยา.) ปรกมฺมการี (ปี.) อปรกมฺมการินี (ก.)] อาสึ, อตฺเถนาตนฺทิตา ทาสี;

อกฺโกธนานติมานินี [อนติมานี (สี. สฺยา.)], สํวิภาคินี สกสฺส ภาคสฺส.

๔๐๖. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๔๐๗. ‘‘เตน เมตาทิโส วณฺโณ…เป…วณฺโณ จ เม สพฺพทิสา ปภาสตี’’ติ.

๑๑. ขีโรทนทายิกาวิมานวตฺถุ

๔๐๙. ‘‘อภิกฺกนฺเตน วณฺเณน…เป… โอสธี วิย ตารกา.

๔๑๐. ‘‘เกน เตตาทิโส วณฺโณ…เป…วณฺโณ จ เต สพฺพทิสา ปภาสตี’’ติ.

๔๑๒. สา เทวตา อตฺตมนา…เป… ยสฺส กมฺมสฺสิทํ ผลํ.

๔๑๓. ‘‘ขีโรทนํ อหมทาสึ, ภิกฺขุโน ปิณฺฑาย จรนฺตสฺส;

เอวํ กริตฺวา กมฺมํ, สุคตึ อุปปชฺช โมทามิ.

๔๑๔. ‘‘ตสฺสา เม ปสฺส วิมานํ, อจฺฉรา กามวณฺณินีหมสฺมิ;

อจฺฉราสหสฺสสฺสาหํ, ปวรา ปสฺส ปุญฺญานํ วิปากํ.

๔๑๕. ‘‘เตน เมตาทิโส วณฺโณ…เป…วณฺโณ จ เม สพฺพทิสา ปภาสตี’’ติ.

(อนนฺตรํ ปญฺจวีสติวิมานํ ยถา ขีโรทนทายิกาวิมานํ ตถา วิตฺถาเรตพฺพํ) [( ) นตฺถิ สี. โปตฺถเก]

๑๒. ผาณิตทายิกาวิมานวตฺถุ (๑)

๔๑๗. ‘‘อภิกฺกนฺเตน วณฺเณน…เป… สพฺพทิสา ปภาสตี’’ติ.

๔๒๐. สา เทวตา อตฺตมนา…เป… ยสฺส กมฺมสฺสิทํ ผลํ.

๔๒๑. ‘‘ผาณิตํ อหมทาสึ, ภิกฺขุโน ปิณฺฑาย จรนฺตสฺส…เป…’’.

๑๓. อุจฺฉุขณฺฑิกทายิกาวตฺถุ (๒)

๔๒๙. อุจฺฉุขณฺฑิกํ อหมทาสึ, ภิกฺขุโน ปิณฺฑาย จรนฺตสฺส…เป….

๑๔. ติมฺพรุสกทายิกาวิมานวตฺถุ (๓)

๔๓๗. ติมฺพรุสกํ อหมทาสึ, ภิกฺขุโน ปิณฺฑาย จรนฺตสฺส…เป….

๑๕. กกฺการิกทายิกาวิมานวตฺถุ (๔)

๔๔๕. กกฺการิกํ อหมทาสึ, ภิกฺขุโน ปิณฺฑาย จรนฺตสฺส…เป….

๑๖. เอฬาลุกทายิกาวิมานวตฺถุ (๕)

๔๕๓. เอฬาลุกํ อหมทาสึ, ภิกฺขุโน ปิณฺฑาย จรนฺตสฺส…เป….

๑๗. วลฺลิผลทายิกาวิมานวตฺถุ(๖)

๔๖๑. วลฺลิผลํ อหมทาสึ, ภิกฺขุโน ปิณฺฑาย จรนฺตสฺส…เป….

๑๘. ผารุสกทายิกาวิมานวตฺถุ (๗)

๔๖๙. ผารุสกํ อหมทาสึ, ภิกฺขุโน ปิณฺฑาย จรนฺตสฺส…เป….

๑๙. หตฺถปฺปตาปกทายิกาวิมานวตฺถุ (๘)

๔๗๗. หตฺถปฺปตาปกํ อหมทาสึ, ภิกฺขุโน ปิณฺฑาย จรนฺตสฺส…เป….

๒๐. สากมุฏฺฐิทายิกาวิมานวตฺถุ (๙)

๔๘๕. สากมุฏฺฐึ อหมทาสึ, ภิกฺขุโน ปนฺถปฏิปนฺนสฺส…เป….

๒๑. ปุปฺผกมุฏฺฐิทายิกาวิมานวตฺถุ (๑๐)

๔๙๓. ปุปฺผกมุฏฺฐึ อหมทาสึ, ภิกฺขุโน ปิณฺฑาย จรนฺตสฺส…เป….

๒๒. มูลกทายิกาวิมานวตฺถุ (๑๑)

๕๐๑. มูลกํ อหมทาสึ, ภิกฺขุโน ปิณฺฑาย จรนฺตสฺส…เป….

๒๓. นิมฺพมุฏฺฐิทายิกาวิมานวตฺถุ (๑๒)

๕๐๖. นิมฺพมุฏฺฐึ อหมทาสึ, ภิกฺขุโน ปิณฺฑาย จรนฺตสฺส…เป….

๒๔. อมฺพกญฺชิกทายิกาวิมานวตฺถุ (๑๓)