๗. ผลทายกตฺเถรอปทานํ

๓๙. ‘‘ปพฺพเต หิมวนฺตมฺหิ, ขราชินธโร อหํ;

ผุสฺสํ ชินวรํ ทิสฺวา, ผลหตฺโถ ผลํ อทํ.

๔๐. ‘‘ยมหํ ผลมทาสึ, วิปฺปสนฺเนน เจตสา;

ภเว นิพฺพตฺตมานมฺหิ, ผลํ นิพฺพตฺตเต มม.

๔๑. ‘‘เทฺวนวุเต อิโต กปฺเป, ยํ ผลํ อททึ อหํ;

ทุคฺคตึ นาภิชานามิ, ผลทานสฺสิทํ ผลํ.

๔๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ผลทายโก เถโร อิมา คาถาโย อภาสิตฺถาติ.

ผลทายกตฺเถรสฺสาปทานํ สตฺตมํ.