๑. นาคสมาลตฺเถรอปทานํ

๑. ‘‘อปาฏลึ อหํ ปุปฺผํ, อุชฺฌิตํ สุมหาปเถ;

ถูปมฺหิ อภิโรเปสึ, สิขิโน โลกพนฺธุโน.

๒. ‘‘เอกตฺตึเส อิโต กปฺเป, ยํ กมฺมมกรึ ตทา;

ทุคฺคตึ นาภิชานามิ, ถูปปูชายิทํ ผลํ.

๓. ‘‘อิโต ปนฺนรเส กปฺเป, ภูมิโย [ปุปฺผิโย (สฺยา.)] นาม ขตฺติโย;

สตฺตรตนสมฺปนฺโน, จกฺกวตฺตี มหพฺพโล.

๔. ‘‘ปฏิสมฺภิทา จตสฺโส, วิโมกฺขาปิ จ อฏฺฐิเม;

ฉฬภิญฺญา สจฺฉิกตา, กตํ พุทฺธสฺส สาสนํ’’.

อิตฺถํ สุทํ อายสฺมา นาคสมาโล เถโร อิมา คาถาโย อภาสิตฺถาติ.

นาคสมาลตฺเถรสฺสาปทานํ ปฐมํ.