๓. สรณคมนิยตฺเถรอปทานํ

๑๙. ‘‘อารุหิมฺห ตทา นาวํ, ภิกฺขุ จาชีวิโก จหํ;

นาวาย ภิชฺชมานาย, ภิกฺขุ เม สรณํ อทา.

๒๐. ‘‘เอกตึเส อิโต กปฺเป, ยํ โส เม สรณํ อทา;

ทุคฺคตึ นาภิชานามิ, สรณคมเน ผลํ.

๒๑. ‘‘กิเลสา ฌาปิตา มยฺหํ…เป… วิหรามิ อนาสโว.

๒๒. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๒๓. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สรณคมนิโย เถโร อิมา คาถาโย

อภาสิตฺถาติ.

สรณคมนิยตฺเถรสฺสาปทานํ ตติยํ.