๗. อเชลิผลทายกตฺเถรอปทานํ

๗๔. ‘‘อชฺชุโน [อชิโน (สฺยา.)] นาม สมฺพุทฺโธ, หิมวนฺเต วสี ตทา;

จรเณน จ สมฺปนฺโน, สมาธิกุสโล มุนิ.

๗๕. ‘‘กุมฺภมตฺตํ คเหตฺวาน, อเชลึ [อญฺชลึ (สฺยา.), อเชลํ (ปี.)] ชีวชีวกํ;

ฉตฺตปณฺณํ คเหตฺวาน, อทาสึ สตฺถุโน อหํ.

๗๖. ‘‘จตุนฺนวุติโต กปฺเป, ยํ ผลํ อททึ ตทา;

ทุคฺคตึ นาภิชานามิ, ผลทานสฺสิทํ ผลํ.

๗๗. ‘‘กิเลสา ฌาปิตา มยฺหํ…เป… วิหรามิ อนาสโว.

๗๘. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๗๙. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อเชลิผลทายโก เถโร อิมา

คาถาโย อภาสิตฺถาติ.

อเชลิผลทายกตฺเถรสฺสาปทานํ สตฺตมํ.