๕. อุตฺตลิปุปฺผิยตฺเถรอปทานํ

๓๑. ‘‘นิโคฺรเธ หริโตภาเส, สํวิรุฬฺหมฺหิ ปาทเป;

อุตฺตลิมาลํ [อุมฺมา มาลํ หิ (สฺยา.)] ปคฺคยฺห, โพธิยา อภิโรปยึ.

๓๒. ‘‘อิมสฺมึเยว กปฺปมฺหิ, ยํ โพธิมภิปูชยึ;

ทุคฺคตึ นาภิชานามิ, โพธิปูชายิทํ ผลํ.

๓๓. ‘‘กิเลสา ฌาปิตา มยฺหํ…เป… วิหรามิ อนาสโว.

๓๔. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๓๕. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อุตฺตลิปุปฺผิโย เถโร อิมา คาถาโย

อภาสิตฺถาติ.

อุตฺตลิปุปฺผิยตฺเถรสฺสาปทานํ ปญฺจมํ.