๙. สุมนทามิยตฺเถรอปทานํ

๔๘. ‘‘สิทฺธตฺถสฺส ภควโต, นฺหาตกสฺส ตปสฺสิโน;

กตฺวาน สุมนทามํ, ธารยึ ปุรโต ฐิโต.

๔๙. ‘‘จตุนฺนวุติโต กปฺเป, ยํ ทามํ ธารยึ ตทา;

ทุคฺคตึ นาภิชานามิ, สุมนธารเณ ผลํ.

๕๐. ‘‘กิเลสา ฌาปิตา มยฺหํ…เป… วิหรามิ อนาสโว.

๕๑. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๕๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สุมนทามิโย เถโร อิมา คาถาโย อภาสิตฺถาติ.

สุมนทามิยตฺเถรสฺสาปทานํ นวมํ.