๑๐. กาสุมาริผลทายกตฺเถรอปทานํ

๕๓. ‘‘กณิการํว โชตนฺตํ, นิสินฺนํ ปพฺพตนฺตเร;

อทฺทสํ วิรชํ พุทฺธํ, โลกเชฏฺฐํ นราสภํ.

๕๔. ‘‘ปสนฺนจิตฺโต สุมโน, สิเร กตฺวาน อญฺชลึ;

กาสุมาริผลํ คยฺห, พุทฺธเสฏฺฐสฺสทาสหํ.

๕๕. ‘‘เอกตฺตึเส อิโต กปฺเป, ยํ ผลมททึ อหํ;

ทุคฺคตึ นาภิชานามิ, ผลทานสฺสิทํ ผลํ.

๕๖. ‘‘กิเลสา ฌาปิตา มยฺหํ…เป… วิหรามิ อนาสโว.

๕๗. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๕๘. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา กาสุมาริผลทายโก เถโร อิมา คาถาโย อภาสิตฺถาติ.

กาสุมาริผลทายกตฺเถรสฺสาปทานํ ทสมํ.

โพธิวนฺทนวคฺโค อฏฺฐตึสติโม.