๕. สตฺตปณฺณิยตฺเถรอปทานํ

๒๘. ‘‘สุมโน นาม สมฺพุทฺโธ, อุปฺปชฺชิ โลกนายโก;

ปสนฺนจิตฺโต สุมโน, สตฺตปณฺณิมปูชยึ.

๒๙. ‘‘สตสหสฺสิโต กปฺเป, สตฺตปณฺณิมปูชยึ;

ทุคฺคตึ นาภิชานามิ, สตฺตปณฺณิปูชายิทํ [สตฺตปณฺณิสฺสิทํ (สี.)] ผลํ.

๓๐. ‘‘กิเลสา ฌาปิตา มยฺหํ…เป… วิหรามิ อนาสโว.

๓๑. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๓๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สตฺตปณฺณิโย เถโร อิมา คาถาโย อภาสิตฺถาติ.

สตฺตปณฺณิยตฺเถรสฺสาปทานํ ปญฺจมํ.