๖. คนฺธมุฏฺฐิยตฺเถรอปทานํ

๓๓. [อิธ คาถาทฺธํ อูนํ วิย ทิสฺสติ] ‘‘จิตเก กรียมาเน, นานาคนฺเธ สมาหเต;

ปสนฺนจิตฺโต สุมโน, คนฺธมุฏฺฐิมปูชยึ.

๓๔. ‘‘สตสหสฺสิโต กปฺเป, จิตกํ ยํ อปูชยึ;

ทุคฺคตึ นาภิชานามิ, จิตปูชายิทํ ผลํ.

๓๕. ‘‘กิเลสา ฌาปิตา มยฺหํ…เป… วิหรามิ อนาสโว.

๓๖. ‘‘สฺวาคตํ วต เม อาสิ…เป… กตํ พุทฺธสฺส สาสนํ.

๓๗. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา คนฺธมุฏฺฐิโย เถโร อิมา คาถาโย อภาสิตฺถาติ.

คนฺธมุฏฺฐิยตฺเถรสฺสาปทานํ ฉฏฺฐํ.