๙. ติมิรปุปฺผิยตฺเถรอปทานํ

๓๑. ‘‘จนฺทภาคานทีตีเร, อนุโสตํ วชามหํ;

อทฺทสํ วิรชํ พุทฺธํ, สาลราชํว ผุลฺลิตํ.

๓๒. ‘‘ปสนฺนจิตฺโต สุมโน, ปจฺเจกมุนิมุตฺตมํ;

คเหตฺวา ติมิรํ ปุปฺผํ, มตฺถเก โอกิรึ อหํ.

๓๓. ‘‘เอกนวุติโต กปฺเป, ยํ ปุปฺผมภิปูชยึ;

ทุคฺคตึ นาภิชานามิ, พุทฺธปูชายิทํ ผลํ.

๓๔. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ติมิรปุปฺผิโย เถโร อิมา คาถาโย อภาสิตฺถาติ.

ติมิรปุปฺผิยตฺเถรสฺสาปทานํ นวมํ.