๗. สุปุฏกปูชกตฺเถรอปทานํ

๒๖. ‘‘ทิวาวิหารา นิกฺขนฺโต, วิปสฺสี โลกนายโก;

ภิกฺขาย วิจรนฺโต โส, มม สนฺติกุปาคมิ.

๒๗. ‘‘ตโต ปตีโต สุมโน, พุทฺธเสฏฺฐสฺส ตาทิโน;

โลณสุปุฏกํ ทตฺวา, กปฺปํ สคฺคมฺหิ โมทหํ.

๒๘. ‘‘เอกนวุติโต กปฺเป, ยํ ปุฏกมทาสหํ;

ทุคฺคตึ นาภิชานามิ, ปุฏกสฺส อิทํ ผลํ.

๒๙. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา สุปุฏกปูชโก เถโร อิมา คาถาโย อภาสิตฺถาติ.

สุปุฏกปูชกตฺเถรสฺสาปทานํ สตฺตมํ.