๔. เอกปุปฺผิยตฺเถรอปทานํ

๑๖. ‘‘ทกฺขิณมฺหิ ทุวารมฺหิ, ปิสาโจ อาสหํ ตทา;

อทฺทสํ วิรชํ พุทฺธํ, ปีตรํสึว ภาณุมํ.

๑๗. ‘‘วิปสฺสิสฺส นรคฺคสฺส, สพฺพโลกหิเตสิโน;

เอกปุปฺผํ มยา ทินฺนํ, ทฺวิปทินฺทสฺส ตาทิโน.

๑๘. ‘‘เอกนวุติโต กปฺเป, ยํ ปุปฺผมททึ ตทา;

ทุคฺคตึ นาภิชานามิ, พุทฺธปูชายิทํ ผลํ.

๑๙. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา เอกปุปฺผิโย เถโร อิมา คาถาโย อภาสิตฺถาติ.

เอกปุปฺผิยตฺเถรสฺสาปทานํ จตุตฺถํ.