๘. อาลุวทายกตฺเถรอปทานํ

๓๑. ‘‘ปพฺพเต หิมวนฺตมฺหิ, มหาสินฺธุ สุทสฺสนา;

ตตฺถทฺทสํ วีตราคํ, สุปฺปภาสํ สุทสฺสนํ.

๓๒. ‘‘ปรโมปสเม ยุตฺตํ, ทิสฺวา วิมฺหิตมานโส;

อาลุวํ ตสฺส ปาทาสึ, ปสนฺโน เสหิ ปาณิภิ.

๓๓. ‘‘เอกตฺตึเส อิโต กปฺเป, ยํ ผลมททึ ตทา;

ทุคฺคตึ นาภิชานามิ, อาลุวสฺส อิทํ ผลํ.

๓๔. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อาลุวทายโก เถโร อิมา คาถาโย อภาสิตฺถาติ.

อาลุวทายกตฺเถรสฺสาปทานํ อฏฺฐมํ.