๗. ชวหํสกตฺเถรอปทานํ

๒๖. ‘‘จนฺทภาคานทีตีเร, อาสึ วนจโร ตทา;

สิทฺธตฺถํ อทฺทสํ พุทฺธํ, คจฺฉนฺตํ อนิลญฺชเส.

๒๗. ‘‘อญฺชลึ ปคฺคเหตฺวาน, อุลฺโลเกนฺโต มหามุนึ;

สกํ จิตฺตํ ปสาเทตฺวา, อวนฺทึ นายกํ อหํ.

๒๘. ‘‘จตุนฺนวุติโต กปฺเป, ยมวนฺทึ นราสภํ;

ทุคฺคตึ นาภิชานามิ, วนฺทนาย อิทํ ผลํ.

๒๙. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา ชวหํสโก เถโร อิมา คาถาโย อภาสิตฺถาติ.

ชวหํสกตฺเถรสฺสาปทานํ สตฺตมํ.