๓. อฑฺฒจนฺทิยตฺเถรอปทานํ

๑๐. ‘‘ติสฺสสฺส โข ภควโต, โพธิยา ปาทปุตฺตเม;

อฑฺฒจนฺทํ มยา ทินฺนํ, ธรณีรุหปาทเป.

๑๑. ‘‘เทฺวนวุเต อิโต กปฺเป, ยํ จนฺท [ยํ ปุปฺผ (ก.)] มภิโรปยึ;

ทุคฺคตึ นาภิชานามิ, โพธิปูชายิทํ ผลํ.

๑๒. ‘‘ปญฺจวีเส อิโต กปฺเป, เทวโล นาม ขตฺติโย;

สตฺตรตนสมฺปนฺโน, จกฺกวตฺตี มหพฺพโล.

๑๓. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อฑฺฒจนฺทิโย เถโร อิมา คาถาโย อภาสิตฺถาติ.

อฑฺฒจนฺทิยตฺเถรสฺสาปทานํ ตติยํ.