๓. จิตกปูชกตฺเถรอปทานํ

๙. ‘‘อานนฺโท นาม สมฺพุทฺโธ, สยมฺภู อปราชิโต;

อรญฺเญ ปรินิพฺพายิ, อมนุสฺสมฺหิ กานเน.

๑๐. ‘‘เทวโลกา อิธาคนฺตฺวา, จิตํ กตฺวานหํ ตทา;

สรีรํ ตตฺถ ฌาเปสึ, สกฺการญฺจ อกาสหํ.

๑๑. ‘‘เอกนวุติโต กปฺเป, ยํ กมฺมมกรึ ตทา;

ทุคฺคตึ นาภิชานามิ, พุทฺธปูชายิทํ ผลํ.

๑๒. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา จิตกปูชโก เถโร อิมา คาถาโย อภาสิตฺถาติ.

จิตกปูชกตฺเถรสฺสาปทานํ ตติยํ.