๖. อุทกทายกตฺเถรอปทานํ

๒๕. ‘‘ภุญฺชนฺตํ สมณํ ทิสฺวา, วิปฺปสนฺนมนาวิลํ;

ฆเฏโนทกมาทาย, สิทฺธตฺถสฺส อทาสหํ.

๒๖. ‘‘นิมฺมโล โหมหํ อชฺช, วิมโล ขีณสํสโย;

ภเว นิพฺพตฺตมานมฺหิ, ผลํ นิพฺพตฺตเต มม [สุภํ (สี.)].

๒๗. ‘‘จตุนฺนวุติโต กปฺเป, อุทกํ ยมทาสหํ [ยํ ตทา อทํ (สี.), อททึ ตทา (สฺยา.)];

ทุคฺคตึ นาภิชานามิ, ทกทานสฺสิทํ ผลํ.

๒๘. ‘‘เอกสฏฺฐิมฺหิโต กปฺเป, เอโกว วิมโล อหุ;

สตฺตรตนสมฺปนฺโน, จกฺกวตฺตี มหพฺพโล.

๒๙. ‘‘ปฏิสมฺภิทา จตสฺโส…เป… กตํ พุทฺธสฺส สาสนํ’’.

อิตฺถํ สุทํ อายสฺมา อุทกทายโก เถโร อิมา คาถาโย อภาสิตฺถาติ.

อุทกทายกตฺเถรสฺสาปทานํ ฉฏฺฐํ.