๙. สตฺถารวนฺทนาสุตฺตวณฺณนา

๒๖๕. นวเม ภควนฺตํ นมสฺสตีติ เอกํสํ อุตฺตริยํ ทุกุลํ กตฺวา, พฺรหฺมชาณุโก หุตฺวา สิรสิ อญฺชลึ ฐเปตฺวา นมสฺสติ. โส ยกฺโขติ โส สกฺโก. อโนมนามนฺติ สพฺพคุเณหิ โอมกภาวสฺส นตฺถิตาย สพฺพคุณเนมิตฺตเกหิ นาเมหิ อโนมนามํ. อวิชฺชาสมติกฺกมาติ จตุสจฺจปฏิจฺฉาทิกาย วฏฺฏมูลกอวิชฺชาย สมติกฺกเมน. เสกฺขาติ สตฺต เสกฺขา. อปจยารามาติ วฏฺฏวิทฺธํสเน รตา. สิกฺขเรติ สิกฺขนฺติ. นวมํ.