๔. ธมฺมทสฺสนวารวณฺณนา

๑๐๐๗. จตุตฺถวาเร เอกาทสายตนานีติ สทฺทายตนวชฺชานิ. ตญฺหิ เอกนฺเตน ปฏิสนฺธิยํ นุปฺปชฺชติ. อิมินา นเยน สพฺพตฺถ อตฺโถ เวทิตพฺโพ. สตฺตเก ‘‘เทวานํ อสุราน’’นฺติ คติวเสน อวตฺวา อวิเสเสน คพฺภเสยฺยกานนฺติ วุตฺตํ. ตสฺมา ยตฺถ ยตฺถ คพฺภเสยฺยกา สมฺภวนฺติ ตตฺถ ตตฺถ เตสํ สตฺตายตนานิ เวทิตพฺพานิ. ตถา ธาตุโย. เสสเมตฺถ อุตฺตานตฺถเมว. ปญฺจมวาเร ยํ วตฺตพฺพํ ตํ ธมฺมสงฺคหฏฺฐกถายํ วุตฺตเมว.