๓. ปริญฺญาวารวณฺณนา

๑๖๕-๑๗๐. ปริญฺญาวาเร ปน ญาตปริญฺญา, ตีรณปริญฺญา, ปหานปริญฺญาติ ติสฺโสเปตฺถ ปริญฺญาโย ลพฺภนฺติ. ยสฺมา จ โลกุตฺตรธมฺเมสุ ปริญฺญา นาม นตฺถิ; ตสฺมา อิธ เทฺว สจฺจานิ คหิตานิ. ตตฺถ ทุกฺขสจฺจํ ปริชานาตีติ ญาตตีรณปริญฺญาวเสเนว วุตฺตํ. สมุทยสจฺจํ ปชหตีติ ญาตปหานปริญฺญาวเสน. อิติ อิมาสํ ปริญฺญานํ วเสน สพฺพปเทสุ อตฺโถ เวทิตพฺโพติ.

ปริญฺญาวารวณฺณนา.

สจฺจยมกวณฺณนา นิฏฺฐิตา.