๖. ฉกฺกนิทฺเทสวณฺณนา

๒๐๒. ฉกฺเก – ตตฺราติ เตสุ ฉสุ ปุคฺคเลสุ. สมฺมาสมฺพุทฺโธ เตน ทฏฺฐพฺโพติ โส ปุคฺคโล เตน อนาจริยเกน อตฺตนา อุปฺปาทิเตน สพฺพญฺญุตญฺญาเณน สพฺพญฺญุพุทฺโธ ทฏฺฐพฺโพ.

ปจฺเจกสมฺพุทฺโธ เตนาติอาทีสุปิ เตน ปจฺเจกสมฺโพธิญาเณน โส ปุคฺคโล ปจฺเจกสมฺพุทฺโธ. เตน สาวกปารมีญาเณน เต ปุคฺคลา สาริปุตฺตโมคฺคลฺลานา. เตน ทุกฺขสฺส อนฺตกรเณน เต ปุคฺคลา อวเสสา อรหนฺโต. เตน อิตฺถตฺตํ อนาคมเนน โส ปุคฺคโล อนาคามี. เตน อิตฺถตฺตํ อาคมเนน เต ปุคฺคลา โสตาปนฺนสกทาคามิโน ทฏฺฐพฺพาติ.

ฉกฺกนิทฺเทสวณฺณนา.