๓. อนาคตวาโร

(ก) อนุโลมํ

๔๕๑. (ก) โย จกฺขุนฺทฺริยํ ปริชานิสฺสติ โส โทมนสฺสินฺทฺริยํ ปชหิสฺสตีติ?

เทฺว ปุคฺคลา จกฺขุนฺทฺริยํ ปริชานิสฺสนฺติ, โน จ โทมนสฺสินฺทฺริยํ ปชหิสฺสนฺติ. ปญฺจ ปุคฺคลา จกฺขุนฺทฺริยญฺจ ปริชานิสฺสนฺติ โทมนสฺสินฺทฺริยญฺจ ปชหิสฺสนฺติ.

(ข) โย วา ปน โทมนสฺสินฺทฺริยํ ปชหิสฺสติ โส จกฺขุนฺทฺริยํ ปริชานิสฺสตีติ? อามนฺตา.

(ก) โย จกฺขุนฺทฺริยํ ปริชานิสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ?

ฉ ปุคฺคลา จกฺขุนฺทฺริยํ ปริชานิสฺสนฺติ, โน จ อนญฺญาตญฺญสฺสามีตินฺทฺริยํ ภาเวสฺสนฺติ. เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยญฺจ ปริชานิสฺสนฺติ อนญฺญาตญฺญสฺสามีตินฺทฺริยญฺจ ภาเวสฺสนฺติ.

(ข) โย วา ปน อนญฺญาตญฺญสฺสามีตินฺทฺริยํ ภาเวสฺสติ โส จกฺขุนฺทฺริยํ ปริชานิสฺสตีติ? อามนฺตา.

(ก) โย จกฺขุนฺทฺริยํ ปริชานิสฺสติ โส อญฺญินฺทฺริยํ ภาเวสฺสตีติ? อามนฺตา.

(ข) โย วา ปน อญฺญินฺทฺริยํ ภาเวสฺสติ โส จกฺขุนฺทฺริยํ ปริชานิสฺสตีติ? อามนฺตา.

(ก) โย จกฺขุนฺทฺริยํ ปริชานิสฺสติ โส อญฺญาตาวินฺทฺริยํ สจฺฉิกริสฺสตีติ? อามนฺตา.

(ข) โย วา ปน อญฺญาตาวินฺทฺริยํ สจฺฉิกริสฺสติ โส จกฺขุนฺทฺริยํ ปริชานิสฺสตีติ?

อคฺคมคฺคสมงฺคี อญฺญาตาวินฺทฺริยํ สจฺฉิกริสฺสติ, โน จ จกฺขุนฺทฺริยํ ปริชานิสฺสติ. สตฺต ปุคฺคลา อญฺญาตาวินฺทฺริยญฺจ สจฺฉิกริสฺสนฺติ จกฺขุนฺทฺริยญฺจ ปริชานิสฺสนฺติ. (จกฺขุนฺทฺริยมูลกํ)

๔๕๒. (ก) โย โทมนสฺสินฺทฺริยํ ปชหิสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ?

จตฺตาโร ปุคฺคลา โทมนสฺสินฺทฺริยํ ปชหิสฺสนฺติ, โน จ อนญฺญาตญฺญสฺสามีตินฺทฺริยํ ภาเวสฺสนฺติ. เย ปุถุชฺชนา มคฺคํ ปฏิลภิสฺสนฺติ เต โทมนสฺสินฺทฺริยญฺจ ปชหิสฺสนฺติ อนญฺญาตญฺญสฺสามีตินฺทฺริยญฺจ ภาเวสฺสนฺติ.

(ข) โย วา ปน อนญฺญาตญฺญสฺสามีตินฺทฺริยํ ภาเวสฺสติ โส โทมนสฺสินฺทฺริยํ ปชหิสฺสตีติ? อามนฺตา.

(ก) โย โทมนสฺสินฺทฺริยํ ปชหิสฺสติ โส อญฺญินฺทฺริยํ ภาเวสฺสตีติ? อามนฺตา.

(ข) โย วา ปน อญฺญินฺทฺริยํ ภาเวสฺสติ โส โทมนสฺสินฺทฺริยํ ปชหิสฺสตีติ?

เทฺว ปุคฺคลา อญฺญินฺทฺริยํ ภาเวสฺสนฺติ โน จ โทมนสฺสินฺทฺริยํ ปชหิสฺสนฺติ, ปญฺจ ปุคฺคลา อญฺญินฺทฺริยญฺจ ภวิสฺสนฺติ โทมนสฺสินฺทฺริยญฺจ ปชหิสฺสนฺติ.

(ก) โย โทมนสฺสินฺทฺริยํ ปชหิสฺสติ โส อญฺญาตาวินฺทฺริยํ สจฺฉิกริสฺสตีติ? อามนฺตา.

(ข) โย วา ปน อญฺญาตาวินฺทฺริยํ สจฺฉิกริสฺสติ โส โทมนสฺสินฺทฺริยํ ปชหิสฺสตีติ?

ตโย ปุคฺคลา อญฺญาตาวินฺทฺริยํ สจฺฉิกริสฺสนฺติ, โน จ โทมนสฺสินฺทฺริยํ ปชหิสฺสนฺติ. ปญฺจ ปุคฺคลา อญฺญาตาวินฺทฺริยญฺจ สจฺฉิกริสฺสนฺติ โทมนสฺสินฺทฺริยญฺจ ปชหิสฺสนฺติ. (โทมนสฺสินฺทฺริยมูลกํ)

๔๕๓. (ก) โย อนญฺญาตญฺญสฺสามีตินฺทฺริยํ ภาเวสฺสติ โส อญฺญินฺทฺริยํ ภาเวสฺสตีติ? อามนฺตา.

(ข) โย วา ปน อญฺญินฺทฺริยํ ภาเวสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ?

ฉ ปุคฺคลา อญฺญินฺทฺริยํ ภาเวสฺสนฺติ, โน จ อนญฺญาตญฺญสฺสามีตินฺทฺริยํ ภาเวสฺสนฺติ. เย ปุถุชฺชนา มคฺคํ ปฏิลภิสฺสนฺติ เต อญฺญินฺทฺริยญฺจ ภาเวสฺสนฺติ อนญฺญาตญฺญสฺสามีตินฺทฺริยญฺจ ภาเวสฺสนฺติ.

(ก) โย อนญฺญาตญฺญสฺสามีตินฺทฺริยํ ภาเวสฺสติ โส อญฺญาตาวินฺทฺริยํ สจฺฉิกริสฺสตีติ? อามนฺตา.

(ข) โย วา ปน อญฺญาตาวินฺทฺริยํ สจฺฉิกริสฺสติ โส อนญฺญาตญฺญสฺสามีตินฺทฺริยํ ภาเวสฺสตีติ?

สตฺต ปุคฺคลา อญฺญาตาวินฺทฺริยํ สจฺฉิกริสฺสนฺติ, โน จ อนญฺญาตญฺญสฺสามีตินฺทฺริยํ ภาเวสฺสนฺติ. เย ปุถุชฺชนา มคฺคํ ปฏิลภิสฺสนฺติ เต อญฺญาตาวินฺทฺริยญฺจ สจฺฉิกริสฺสนฺติ อนญฺญาตญฺญสฺสามีตินฺทฺริยญฺจ ภาเวสฺสนฺติ. (อนญฺญาตญฺญสฺสามีตินฺทฺริยมูลกํ)

๔๕๔. (ก) โย อญฺญินฺทฺริยํ ภาเวสฺสติ โส อญฺญาตาวินฺทฺริยํ สจฺฉิกริสฺสตีติ? อามนฺตา.

(ข) โย วา ปน อญฺญาตาวินฺทฺริยํ สจฺฉิกริสฺสติ โส อญฺญินฺทฺริยํ ภาเวสฺสตีติ?

อคฺคมคฺคสมงฺคี อญฺญาตาวินฺทฺริยํ สจฺฉิกริสฺสนฺติ, โน จ อญฺญินฺทฺริยํ ภาเวสฺสนฺติ. สตฺต ปุคฺคลา อญฺญาตาวินฺทฺริยญฺจ สจฺฉิกริสฺสนฺติ อญฺญินฺทฺริยญฺจ ภาเวสฺสนฺติ. (อญฺญินฺทฺริยมูลกํ)

(ข) ปจฺจนีกํ

๔๕๕. (ก) โย จกฺขุนฺทฺริยํ น ปริชานิสฺสติ โส โทมนสฺสินฺทฺริยํ นปฺปชหิสฺสตีติ? อามนฺตา.

(ข) โย วา ปน โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานิสฺสตีติ?

เทฺว ปุคฺคลา โทมนสฺสินฺทฺริยํ นปฺปชหิสฺสนฺติ, โน จ จกฺขุนฺทฺริยํ น ปริชานิสฺสนฺติ. ตโย ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ น ปริชานิสฺสนฺติ.

(ก) โย จกฺขุนฺทฺริยํ น ปริชานิสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ. อามนฺตา.

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น ปริชานิสฺสตีติ.

ฉ ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ จกฺขุนฺทฺริยํ น ปริชานิสฺสนฺติ. ตโย ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิสฺสนฺติ.

(ก) โย จกฺขุนฺทฺริยํ น ปริชานิสฺสติ โส อญฺญินฺทฺริยํ น ภาเวสฺสตีติ? อามนฺตา.

(ข) โย วา ปน อญฺญินฺทฺริยํ น ภาเวสฺสติ โส จกฺขุนฺทฺริยํ น ปริชานิสฺสตีติ? อามนฺตา.

(ก) โย จกฺขุนฺทฺริยํ น ปริชานิสฺสติ โส อญฺญาตาวินฺทฺริยํ น สจฺฉิกริสฺสตีติ?

อคฺคมคฺคสมงฺคี จกฺขุนฺทฺริยํ น ปริชานิสฺสติ, โน จ อญฺญาตาวินฺทฺริยํ น สจฺฉิกริสฺสติ. เทฺว ปุคฺคลา จกฺขุนฺทฺริยญฺจ น ปริชานิสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ.

(ข) โย วา ปน อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานิสฺสตีติ? อามนฺตา. (จกฺขุนฺทฺริยมูลกํ)

๔๕๖. (ก) โย โทมนสฺสินฺทฺริยํ นปฺปชหิสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ? อามนฺตา.

(ข) โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิสฺสตีติ?

จตฺตาโร ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ โทมนสฺสินฺทฺริยํ นปฺปชหิสฺสนฺติ. ปญฺจ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิสฺสนฺติ.

(ก) โย โทมนสฺสินฺทฺริยํ นปฺปชหิสฺสติ โส อญฺญินฺทฺริยํ น ภาเวสฺสตีติ?

เทฺว ปุคฺคลา โทมนสฺสินฺทฺริยํ นปฺปชหิสฺสนฺติ, โน จ อญฺญินฺทฺริยํ น ภาเวสฺสนฺติ. ตโย ปุคฺคลา โทมนสฺสินฺทฺริยญฺจ นปฺปชหิสฺสนฺติ อญฺญินฺทฺริยญฺจ น ภาเวสฺสนฺติ.

(ข) โย วา ปน อญฺญินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิสฺสตีติ? อามนฺตา.

(ก) โย โทมนสฺสินฺทฺริยํ นปฺปชหิสฺสติ โส อญฺญาตาวินฺทฺริยํ น สจฺฉิกริสฺสตีติ?

ตโย ปุคฺคลา โทมนสฺสินฺทฺริยํ นปฺปชหิสฺสนฺติ, โน จ อญฺญาตาวินฺทฺริยํ น สจฺฉิกริสฺสนฺติ. เทฺว ปุคฺคลา โทมนสฺสินฺทฺริยญฺจ นปฺปชหิสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ.

(ข) โย วา ปน อญฺญาตาวินฺทฺริยํ น สจฺฉิกริสฺสติ โส โทมนสฺสินฺทฺริยํ นปฺปชหิสฺสตีติ? อามนฺตา. (โทมนสฺสินฺทฺริยมูลกํ)

๔๕๗. (ก) โย อนญฺญาตญฺญสฺสามีตินฺทฺริยํ น ภาเวสฺสติ โส อญฺญินฺทฺริยํ น ภาเวสฺสตีติ?

ฉ ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ อญฺญินฺทฺริยํ น ภาเวสฺสนฺติ. ตโย ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ อญฺญินฺทฺริยญฺจ น ภาเวสฺสนฺติ.

(ข) โย วา ปน อญฺญินฺทฺริยํ น ภาเวสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ? อามนฺตา.

(ก) โย อนญฺญาตญฺญสฺสามีตินฺทฺริยํ น ภาเวสฺสติ โส อญฺญาตาวินฺทฺริยํ น สจฺฉิกริสฺสตีติ?

สตฺต ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ อญฺญาตาวินฺทฺริยํ น สจฺฉิกริสฺสนฺติ. เทฺว ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ.

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ น ภาเวสฺสตีติ? อามนฺตา. (อนญฺญาตญฺญสฺสามีตินฺทฺริยมูลกํ)

๔๕๘. (ก) โย อญฺญินฺทฺริยํ น ภาเวสฺสติ โส อญฺญาตาวินฺทฺริยํ น สจฺฉิกริสฺสตีติ?

อคฺคมคฺคสมงฺคี อญฺญินฺทฺริยํ น ภาเวสฺสติ, โน จ อญฺญาตาวินฺทฺริยํ น สจฺฉิกริสฺสติ. เทฺว ปุคฺคลา อญฺญินฺทฺริยญฺจ น ภาเวสฺสนฺติ อญฺญาตาวินฺทฺริยญฺจ น สจฺฉิกริสฺสนฺติ.

(ข) โย วา ปน อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาเวสฺสตีติ? อามนฺตา. (อญฺญินฺทฺริยมูลกํ)