๓. ปุคฺคลธมฺมวาโร
(๑) อุปฺปาทนิโรธกาลสมฺเภทวาโร
๔๑. (ก) ยสฺส ยํ จิตฺตํ อุปฺปชฺชติ น นิรุชฺฌติ ตสฺส ตํ จิตฺตํ นิรุชฺฌิสฺสติ น อุปฺปชฺชิสฺสติ?
(ข) ยสฺส วา ปน ยํ จิตฺตํ นิรุชฺฌิสฺสติ น อุปฺปชฺชิสฺสติ ตสฺส ตํ จิตฺตํ อุปฺปชฺชติ น นิรุชฺฌติ?
(ก) ยสฺส ยํ จิตฺตํ น อุปฺปชฺชติ นิรุชฺฌติ ตสฺส ตํ จิตฺตํ น นิรุชฺฌิสฺสติ อุปฺปชฺชิสฺสติ?
(ข) ยสฺส วา ปน ยํ จิตฺตํ น นิรุชฺฌิสฺสติ อุปฺปชฺชิสฺสติ ตสฺส ตํ จิตฺตํ น อุปฺปชฺชติ นิรุชฺฌติ?
(๒) อุปฺปาทุปฺปนฺนวาโร
๔๒. (ก) ยสฺส ยํ จิตฺตํ อุปฺปชฺชติ ตสฺส ตํ จิตฺตํ อุปฺปนฺนํ?
(ข) ยสฺส วา ปน ยํ จิตฺตํ อุปฺปนฺนํ ตสฺส ตํ จิตฺตํ อุปฺปชฺชติ?
(ก) ยสฺส ยํ จิตฺตํ น อุปฺปชฺชติ ตสฺส ตํ จิตฺตํ น อุปฺปนฺนํ?
(ข) ยสฺส วา ปน ยํ จิตฺตํ น อุปฺปนฺนํ ตสฺส ตํ จิตฺตํ น อุปฺปชฺชติ?
(๓) นิโรธุปฺปนฺนวาโร
๔๓. (ก) ยสฺส ยํ จิตฺตํ นิรุชฺฌติ ตสฺส ตํ จิตฺตํ อุปฺปนฺนํ?
(ข) ยสฺส วา ปน ยํ จิตฺตํ อุปฺปนฺนํ ตสฺส ตํ จิตฺตํ นิรุชฺฌติ?
(ก) ยสฺส ยํ จิตฺตํ น นิรุชฺฌติ ตสฺส ตํ จิตฺตํ น อุปฺปนฺนํ?
(ข) ยสฺส วา ปน ยํ จิตฺตํ น อุปฺปนฺนํ ตสฺส ตํ จิตฺตํ น นิรุชฺฌติ?
(๔) อุปฺปาทวาโร
๔๔. (ก) ยสฺส ยํ จิตฺตํ อุปฺปชฺชติ ตสฺส ตํ จิตฺตํ อุปฺปชฺชิตฺถ?
(ข) ยสฺส วา ปน ยํ จิตฺตํ อุปฺปชฺชิตฺถ ตสฺส ตํ จิตฺตํ อุปฺปชฺชติ?
(ก) ยสฺส ยํ จิตฺตํ น อุปฺปชฺชติ ตสฺส ตํ จิตฺตํ น อุปฺปชฺชิตฺถ?
(ข) ยสฺส วา ปน ยํ จิตฺตํ น อุปฺปชฺชิตฺถ ตสฺส ตํ จิตฺตํ น อุปฺปชฺชติ?
๔๕. (ก) ยสฺส ยํ จิตฺตํ อุปฺปชฺชติ ตสฺส ตํ จิตฺตํ อุปฺปชฺชิสฺสติ?
(ข) ยสฺส วา ปน ยํ จิตฺตํ อุปฺปชฺชิสฺสติ ตสฺส ตํ จิตฺตํ อุปฺปชฺชติ?
(ก) ยสฺส ยํ จิตฺตํ น อุปฺปชฺชติ ตสฺส ตํ จิตฺตํ น อุปฺปชฺชิสฺสติ?
(ข) ยสฺส วา ปน ยํ จิตฺตํ น อุปฺปชฺชิสฺสติ ตสฺส ตํ จิตฺตํ น อุปฺปชฺชติ?
๔๖. (ก) ยสฺส ยํ จิตฺตํ อุปฺปชฺชิตฺถ ตสฺส ตํ จิตฺตํ อุปฺปชฺชิสฺสติ?
(ข) ยสฺส วา ปน ยํ จิตฺตํ อุปฺปชฺชิสฺสติ ตสฺส ตํ จิตฺตํ อุปฺปชฺชิตฺถ?
(ก) ยสฺส ยํ จิตฺตํ น อุปฺปชฺชิตฺถ ตสฺส ตํ จิตฺตํ น อุปฺปชฺชิสฺสติ?
(ข) ยสฺส วา ปน ยํ จิตฺตํ น อุปฺปชฺชิสฺสติ ตสฺส ตํ จิตฺตํ น อุปฺปชฺชิตฺถ?
(๕) นิโรธวาโร
๔๗. (ก) ยสฺส ยํ จิตฺตํ นิรุชฺฌติ ตสฺส ตํ จิตฺตํ นิรุชฺฌิตฺถ?
(ข) ยสฺส วา ปน ยํ จิตฺตํ นิรุชฺฌิตฺถ ตสฺส ตํ จิตฺตํ นิรุชฺฌติ?
(ก) ยสฺส ยํ จิตฺตํ น นิรุชฺฌติ ตสฺส ตํ จิตฺตํ น นิรุชฺฌิตฺถ?
(ข) ยสฺส วา ปน ยํ จิตฺตํ น นิรุชฺฌิตฺถ ตสฺส ตํ จิตฺตํ น นิรุชฺฌติ?
๔๘. (ก) ยสฺส ยํ จิตฺตํ นิรุชฺฌติ ตสฺส ตํ จิตฺตํ นิรุชฺฌิสฺสติ?
(ข) ยสฺส วา ปน ยํ จิตฺตํ นิรุชฺฌิสฺสติ ตสฺส ตํ จิตฺตํ นิรุชฺฌติ?
(ก) ยสฺส ยํ จิตฺตํ น นิรุชฺฌติ ตสฺส ตํ จิตฺตํ น นิรุชฺฌิสฺสติ?
(ข) ยสฺส วา ปน ยํ จิตฺตํ น นิรุชฺฌิสฺสติ ตสฺส ตํ จิตฺตํ น นิรุชฺฌติ?
๔๙. (ก) ยสฺส ยํ จิตฺตํ นิรุชฺฌิตฺถ ตสฺส ตํ จิตฺตํ นิรุชฺฌิสฺสติ?
(ข) ยสฺส วา ปน ยํ จิตฺตํ นิรุชฺฌิสฺสติ ตสฺส ตํ จิตฺตํ นิรุชฺฌิตฺถ?
(ก) ยสฺส ยํ จิตฺตํ น นิรุชฺฌิตฺถ ตสฺส ตํ จิตฺตํ น นิรุชฺฌิสฺสติ?
(ข) ยสฺส วา ปน ยํ จิตฺตํ น นิรุชฺฌิสฺสติ ตสฺส ตํ จิตฺตํ น นิรุชฺฌิตฺถ?
(๖) อุปฺปาทนิโรธวาโร
๕๐. (ก) ยสฺส ยํ จิตฺตํ อุปฺปชฺชติ ตสฺส ตํ จิตฺตํ นิรุชฺฌิตฺถ?
(ข) ยสฺส วา ปน ยํ จิตฺตํ นิรุชฺฌิตฺถ ตสฺส ตํ จิตฺตํ อุปฺปชฺชติ?
(ก) ยสฺส ยํ จิตฺตํ น อุปฺปชฺชติ ตสฺส ตํ จิตฺตํ น นิรุชฺฌิตฺถ?
(ข) ยสฺส วา ปน ยํ จิตฺตํ น นิรุชฺฌิตฺถ ตสฺส ตํ จิตฺตํ น อุปฺปชฺชติ?
๕๑. (ก) ยสฺส ยํ จิตฺตํ อุปฺปชฺชติ ตสฺส ตํ จิตฺตํ นิรุชฺฌิสฺสติ?
(ข) ยสฺส วา ปน ยํ จิตฺตํ นิรุชฺฌิสฺสติ ตสฺส ตํ จิตฺตํ อุปฺปชฺชติ?
(ก) ยสฺส ยํ จิตฺตํ น อุปฺปชฺชติ ตสฺส ตํ จิตฺตํ น นิรุชฺฌิสฺสติ?
(ข) ยสฺส วา ปน ยํ จิตฺตํ น นิรุชฺฌิสฺสติ ตสฺส ตํ จิตฺตํ น อุปฺปชฺชติ?
๕๒. (ก) ยสฺส ยํ จิตฺตํ อุปฺปชฺชิตฺถ ตสฺส ตํ จิตฺตํ นิรุชฺฌิสฺสติ?
(ข) ยสฺส วา ปน ยํ จิตฺตํ นิรุชฺฌิสฺสติ ตสฺส ตํ จิตฺตํ อุปฺปชฺชิตฺถ?
(ก) ยสฺส ยํ จิตฺตํ น อุปฺปชฺชิตฺถ ตสฺส ตํ จิตฺตํ น นิรุชฺฌิสฺสติ?
(ข) ยสฺส วา ปน ยํ จิตฺตํ น นิรุชฺฌิสฺสติ ตสฺส ตํ จิตฺตํ น อุปฺปชฺชิตฺถ?
(๗) อุปฺปชฺชมาน-นนิโรธวาโร
๕๓. (ก) ยสฺส ยํ จิตฺตํ อุปฺปชฺชติ ตสฺส ตํ จิตฺตํ น นิรุชฺฌติ?
(ข) ยสฺส วา ปน ยํ จิตฺตํ น นิรุชฺฌติ ตสฺส ตํ จิตฺตํ อุปฺปชฺชติ?
(ก) ยสฺส ยํ จิตฺตํ น อุปฺปชฺชติ ตสฺส ตํ จิตฺตํ นิรุชฺฌติ?
(ข) ยสฺส วา ปน ยํ จิตฺตํ นิรุชฺฌติ ตสฺส ตํ จิตฺตํ น อุปฺปชฺชติ?
(๘) อุปฺปชฺชมานุปฺปนฺนวาโร
๕๔. (ก) ยสฺส ยํ จิตฺตํ อุปฺปชฺชมานํ ตสฺส ตํ จิตฺตํ อุปฺปนฺนํ?
(ข) ยสฺส วา ปน ยํ จิตฺตํ อุปฺปนฺนํ ตสฺส ตํ จิตฺตํ อุปฺปชฺชมานํ?
(ก) ยสฺส ยํ จิตฺตํ น อุปฺปชฺชมานํ ตสฺส ตํ จิตฺตํ น อุปฺปนฺนํ?
(ข) ยสฺส วา ปน ยํ จิตฺตํ น อุปฺปนฺนํ ตสฺส ตํ จิตฺตํ น อุปฺปชฺชมานํ?
(๙) นิรุชฺฌมานุปฺปนฺนวาโร
๕๕. (ก) ยสฺส ยํ จิตฺตํ นิรุชฺฌมานํ ตสฺส ตํ จิตฺตํ อุปฺปนฺนํ?
(ข) ยสฺส วา ปน ยํ จิตฺตํ อุปฺปนฺนํ ตสฺส ตํ จิตฺตํ นิรุชฺฌมานํ?
(ก) ยสฺส ยํ จิตฺตํ น นิรุชฺฌมานํ ตสฺส ตํ จิตฺตํ น อุปฺปนฺนํ?
(ข) ยสฺส วา ปน ยํ จิตฺตํ น อุปฺปนฺนํ ตสฺส ตํ จิตฺตํ น นิรุชฺฌมานํ?
(๑๐) อุปฺปนฺนุปฺปาทวาโร
๕๖. (ก) ยสฺส ยํ จิตฺตํ อุปฺปนฺนํ ตสฺส ตํ จิตฺตํ อุปฺปชฺชิตฺถ?
(ข) ยสฺส วา ปน ยํ จิตฺตํ อุปฺปชฺชิตฺถ ตสฺส ตํ จิตฺตํ อุปฺปนฺนํ?
(ก) ยสฺส ยํ จิตฺตํ น อุปฺปนฺนํ ตสฺส ตํ จิตฺตํ น อุปฺปชฺชิตฺถ?
(ข) ยสฺส วา ปน ยํ จิตฺตํ น อุปฺปชฺชิตฺถ ตสฺส ตํ จิตฺตํ น อุปฺปนฺนํ?
(ก) ยสฺส ยํ จิตฺตํ อุปฺปนฺนํ ตสฺส ตํ จิตฺตํ อุปฺปชฺชิสฺสติ?
(ข) ยสฺส วา ปน ยํ จิตฺตํ อุปฺปชฺชิสฺสติ ตสฺส ตํ จิตฺตํ อุปฺปนฺนํ?
(ก) ยสฺส ยํ จิตฺตํ น อุปฺปนฺนํ ตสฺส ตํ จิตฺตํ น อุปฺปชฺชิสฺสติ?
(ข) ยสฺส วา ปน ยํ จิตฺตํ น อุปฺปชฺชิสฺสติ ตสฺส ตํ จิตฺตํ น อุปฺปนฺนํ?
(๑๑) อตีตานาคตวาโร
๕๗. (ก) ยสฺส ยํ จิตฺตํ อุปฺปชฺชิตฺถ โน จ ตสฺส ตํ จิตฺตํ อุปฺปนฺนํ, ตสฺส ตํ จิตฺตํ อุปฺปชฺชิสฺสติ?
(ข) ยสฺส วา ปน ยํ จิตฺตํ อุปฺปชฺชิสฺสติ โน จ ตสฺส ตํ จิตฺตํ อุปฺปนฺนํ, ตสฺส ตํ จิตฺตํ อุปฺปชฺชิตฺถ?
(ก) ยสฺส ยํ จิตฺตํ น อุปฺปชฺชิตฺถ โน จ ตสฺส ตํ จิตฺตํ น อุปฺปนฺนํ, ตสฺส ตํ จิตฺตํ น อุปฺปชฺชิสฺสติ?
(ข) ยสฺส วา ปน ยํ จิตฺตํ น อุปฺปชฺชิสฺสติ โน จ ตสฺส ตํ จิตฺตํ น อุปฺปนฺนํ, ตสฺส ตํ จิตฺตํ น อุปฺปชฺชิตฺถ?
(๑๒) อุปฺปนฺนุปฺปชฺชมานวาโร
๕๘. (ก) อุปฺปนฺนํ อุปฺปชฺชมานํ?
(ข) อุปฺปชฺชมานํ อุปฺปนฺนํ?
(ก) น อุปฺปนฺนํ น อุปฺปชฺชมานํ?
(ข) น อุปฺปชฺชมานํ น อุปฺปนฺนํ?
(๑๓) นิรุทฺธนิรุชฺฌมานวาโร
๕๙. (ก) นิรุทฺธํ นิรุชฺฌมานํ?
(ข) นิรุชฺฌมานํ นิรุทฺธํ?
(ก) น นิรุทฺธํ น นิรุชฺฌมานํ?
(ข) น นิรุชฺฌมานํ น นิรุทฺธํ?
(๑๔) อติกฺกนฺตกาลวาโร
๖๐. (ก) ยสฺส ยํ จิตฺตํ อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ, นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํ?
(ข) ยสฺส วา ปน ยํ จิตฺตํ นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ, อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํ?
(ก) ยสฺส ยํ จิตฺตํ น อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ, น นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํ?
(ข) ยสฺส วา ปน ยํ จิตฺตํ น นิรุชฺฌมานํ ขณํ ขณํ วีติกฺกนฺตํ อติกฺกนฺตกาลํ, น อุปฺปชฺชมานํ ขณํ ขณํ วีติกฺกนฺตํ อติกฺกนฺตกาลํ ตสฺส ตํ จิตฺตํ?
๒. สุตฺตนฺตจิตฺตมิสฺสกวิเสโส
๖๑. ยสฺส สราคํ จิตฺตํ อุปฺปชฺชติ…เป… ยสฺส วีตราคํ จิตฺตํ อุปฺปชฺชติ… ยสฺส สโทสํ จิตฺตํ อุปฺปชฺชติ… ยสฺส วีตโทสํ จิตฺตํ อุปฺปชฺชติ… ยสฺส สโมหํ จิตฺตํ อุปฺปชฺชติ… ยสฺส วีตโมหํ จิตฺตํ อุปฺปชฺชติ … ยสฺส สํขิตฺตํ จิตฺตํ อุปฺปชฺชติ… ยสฺส วิกฺขิตฺตํ จิตฺตํ อุปฺปชฺชติ… ยสฺส มหคฺคตํ จิตฺตํ อุปฺปชฺชติ… ยสฺส อมหคฺคตํ จิตฺตํ อุปฺปชฺชติ… ยสฺส สอุตฺตรํ จิตฺตํ อุปฺปชฺชติ… ยสฺส อนุตฺตรํ จิตฺตํ อุปฺปชฺชติ… ยสฺส สมาหิตํ จิตฺตํ อุปฺปชฺชติ… ยสฺส อสมาหิตํ จิตฺตํ อุปฺปชฺชติ… ยสฺส วิมุตฺตํ จิตฺตํ อุปฺปชฺชติ… ยสฺส อวิมุตฺตํ จิตฺตํ อุปฺปชฺชติ…?
๓. อภิธมฺมจิตฺตมิสฺสกวิเสโส
๖๒. ยสฺส กุสลํ จิตฺตํ อุปฺปชฺชติ…เป… ยสฺส อกุสลํ จิตฺตํ อุปฺปชฺชติ… ยสฺส อพฺยากตํ จิตฺตํ อุปฺปชฺชติ… ยสฺส สุขาย เวทนาย สมฺปยุตฺตํ จิตฺตํ อุปฺปชฺชติ…?
(เอเตน อุปาเยน ยาว สรณอรณา อุทฺธริตพฺพา.)
(ก) ยสฺส อรณํ จิตฺตํ อุปฺปชฺชติ น นิรุชฺฌติ ตสฺส อรณํ จิตฺตํ นิรุชฺฌิสฺสติ น อุปฺปชฺชิสฺสติ?
(ข) ยสฺส วา ปน อรณํ จิตฺตํ นิรุชฺฌิสฺสติ น อุปฺปชฺชิสฺสติ ตสฺส อรณํ จิตฺตํ อุปฺปชฺชติ น นิรุชฺฌติ?