๓. ปชหนวาโร

(ก) อนุโลมปุคฺคโล

๑๓๒. (ก) โย กามราคานุสยํ ปชหติ โส ปฏิฆานุสยํ ปชหตีติ? อามนฺตา.

(ข) โย วา ปน ปฏิฆานุสยํ ปชหติ โส กามราคานุสยํ ปชหตีติ? อามนฺตา.

(ก) โย กามราคานุสยํ ปชหติ โส มานานุสยํ ปชหตีติ?

ตเทกฏฺฐํ ปชหติ.

(ข) โย วา ปน มานานุสยํ ปชหติ โส กามราคานุสยํ ปชหตีติ? โน.

โย กามราคานุสยํ ปชหติ โส ทิฏฺฐานุสยํ…เป… วิจิกิจฺฉานุสยํ ปชหตีติ? โน.

โย วา ปน วิจิกิจฺฉานุสยํ ปชหติ โส กามราคานุสยํ ปชหตีติ?

ตเทกฏฺฐํ ปชหติ.

โย กามราคานุสยํ ปชหติ โส ภวราคานุสยํ…เป… อวิชฺชานุสยํ ปชหตีติ?

ตเทกฏฺฐํ ปชหติ.

โย วา ปน อวิชฺชานุสยํ ปชหติ โส กามราคานุสยํ ปชหตีติ? โน.

๑๓๓. (ก) โย ปฏิฆานุสยํ ปชหติ โส มานานุสยํ ปชหตีติ?

ตเทกฏฺฐํ ปชหติ.

(ข) โย วา ปน มานานุสยํ ปชหติ โส ปฏิฆานุสยํ ปชหตีติ? โน.

โย ปฏิฆานุสยํ ปชหติ โส ทิฏฺฐานุสยํ…เป… วิจิกิจฺฉานุสยํ ปชหตีติ? โน.

โย วา ปน วิจิกิจฺฉานุสยํ ปชหติ โส ปฏิฆานุสยํ ปชหตีติ?

ตเทกฏฺฐํ ปชหติ.

โย ปฏิฆานุสยํ ปชหติ โส ภวราคานุสยํ…เป… อวิชฺชานุสยํ ปชหตีติ?

ตเทกฏฺฐํ ปชหติ.

โย วา ปน อวิชฺชานุสยํ ปชหติ โส ปฏิฆานุสยํ ปชหตีติ? โน.

๑๓๔. โย มานานุสยํ ปชหติ โส ทิฏฺฐานุสยํ…เป… วิจิกิจฺฉานุสยํ ปชหตีติ? โน.

โย วา ปน วิจิกิจฺฉานุสยํ ปชหติ โส มานานุสยํ ปชหตีติ?

ตเทกฏฺฐํ ปชหติ.

โย มานานุสยํ ปชหติ โส ภวราคานุสยํ…เป… อวิชฺชานุสยํ ปชหตีติ? อามนฺตา.

โย วา ปน อวิชฺชานุสยํ ปชหติ โส มานานุสยํ ปชหตีติ? อามนฺตา.

๑๓๕. (ก) โย ทิฏฺฐานุสยํ ปชหติ โส วิจิกิจฺฉานุสยํ ปชหตีติ? อามนฺตา.

(ข) โย วา ปน วิจิกิจฺฉานุสยํ ปชหติ โส ทิฏฺฐานุสยํ ปชหตีติ? อามนฺตา …เป….

๑๓๖. โย วิจิกิจฺฉานุสยํ ปชหติ โส ภวราคานุสยํ…เป… อวิชฺชานุสยํ ปชหตีติ?

ตเทกฏฺฐํ ปชหติ.

โย วา ปน อวิชฺชานุสยํ ปชหติ โส วิจิกิจฺฉานุสยํ ปชหตีติ? โน.

๑๓๗. (ก) โย ภวราคานุสยํ ปชหติ โส อวิชฺชานุสยํ ปชหตีติ? อามนฺตา.

(ข) โย วา ปน อวิชฺชานุสยํ ปชหติ โส ภวราคานุสยํ ปชหตีติ? อามนฺตา. (เอกมูลกํ)

๑๓๘. (ก) โย กามราคานุสยญฺจ ปฏิฆานุสยญฺจ ปชหติ โส มานานุสยํ ปชหตีติ?

ตเทกฏฺฐํ ปชหติ.

(ข) โย วา ปน มานานุสยํ ปชหติ โส กามราคานุสยญฺจ ปฏิฆานุสยญฺจ ปชหตีติ? โน.

โย กามราคานุสยญฺจ ปฏิฆานุสยญฺจ ปชหติ โส ทิฏฺฐานุสยํ…เป… วิจิกิจฺฉานุสยํ ปชหตีติ? โน.

โย วา ปน วิจิกิจฺฉานุสยํ ปชหติ โส กามราคานุสยญฺจ ปฏิฆานุสยญฺจ ปชหตีติ?

ตเทกฏฺฐํ ปชหติ.

โย กามราคานุสยญฺจ ปฏิฆานุสยญฺจ ปชหติ โส ภวราคานุสยํ…เป… อวิชฺชานุสยํ ปชหตีติ?

ตเทกฏฺฐํ ปชหติ.

โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ ปชหตีติ? โน. (ทุกมูลกํ)

๑๓๙. โย กามราคานุสยญฺจ ปฏิฆานุสยญฺจ มานานุสยญฺจ ปชหติ โส ทิฏฺฐานุสยํ…เป… วิจิกิจฺฉานุสยํ ปชหตีติ? นตฺถิ.

โย วา ปน วิจิกิจฺฉานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

ตเทกฏฺฐํ ปชหติ.

โย กามราคานุสยญฺจ ปฏิฆานุสยญฺจ มานานุสยญฺจ ปชหติ โส ภวราคานุสยํ…เป… อวิชฺชานุสยํ ปชหตีติ? นตฺถิ.

โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

มานานุสยํ ปชหติ. (ติกมูลกํ)

๑๔๐. (ก) โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหติ โส วิจิกิจฺฉานุสยํ ปชหตีติ? นตฺถิ.

(ข) โย วา ปน วิจิกิจฺฉานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหตีติ?

ทิฏฺฐานุสยํ ปชหติ กามราคานุสยญฺจ ปฏิฆานุสยญฺจ มานานุสยญฺจ ตเทกฏฺฐํ ปชหติ …เป…. (จตุกฺกมูลกํ)

๑๔๑. โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ โส ภวราคานุสยํ…เป… อวิชฺชานุสยํ ปชหตีติ? นตฺถิ.

โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

มานานุสยํ ปชหติ. (ปญฺจกมูลกํ)

๑๔๒. (ก) โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ โส อวิชฺชานุสยํ ปชหตีติ? นตฺถิ.

(ข) โย วา ปน อวิชฺชานุสยํ ปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหตีติ?

มานานุสยญฺจ ภวราคานุสยญฺจ ปชหติ. (ฉกฺกมูลกํ)

(ข) อนุโลมโอกาโส

๑๔๓. (ก) ยโต กามราคานุสยํ ปชหติ ตโต ปฏิฆานุสยํ ปชหตีติ? โน.

(ข) ยโต วา ปน ปฏิฆานุสยํ ปชหติ ตโต กามราคานุสยํ ปชหตีติ? โน.

(ก) ยโต กามราคานุสยํ ปชหติ ตโต มานานุสยํ ปชหตีติ? อามนฺตา.

(ข) ยโต วา ปน มานานุสยํ ปชหติ ตโต กามราคานุสยํ ปชหตีติ?

รูปธาตุยา อรูปธาตุยา ตโต มานานุสยํ ปชหติ, โน จ ตโต กามราคานุสยํ ปชหติ. กามธาตุยา ทฺวีสุ เวทนาสุ ตโต มานานุสยญฺจ ปชหติ กามราคานุสยญฺจ ปชหติ.

ยโต กามราคานุสยํ ปชหติ ตโต ทิฏฺฐานุสยํ…เป… วิจิกิจฺฉานุสยํ ปชหตีติ? อามนฺตา.

ยโต วา ปน วิจิกิจฺฉานุสยํ ปชหติ ตโต กามราคานุสยํ ปชหตีติ?

ทุกฺขาย เวทนาย รูปธาตุยา อรูปธาตุยา ตโต วิจิกิจฺฉานุสยํ ปชหติ, โน จ ตโต กามราคานุสยํ ปชหติ. กามธาตุยา ทฺวีสุ เวทนาสุ ตโต วิจิกิจฺฉานุสยญฺจ ปชหติ กามราคานุสยญฺจ ปชหติ.

(ก) ยโต กามราคานุสยํ ปชหติ ตโต ภวราคานุสยํ ปชหตีติ? โน.

(ข) ยโต วา ปน ภวราคานุสยํ ปชหติ ตโต กามราคานุสยํ ปชหตีติ? โน.

(ก) ยโต กามราคานุสยํ ปชหติ ตโต อวิชฺชานุสยํ ปชหตีติ? อามนฺตา.

(ข) ยโต วา ปน อวิชฺชานุสยํ ปชหติ ตโต กามราคานุสยํ ปชหตีติ?

ทุกฺขาย เวทนาย รูปธาตุยา อรูปธาตุยา ตโต อวิชฺชานุสยํ ปชหติ, โน จ ตโต กามราคานุสยํ ปชหติ. กามธาตุยา ทฺวีสุ เวทนาสุ ตโต อวิชฺชานุสยญฺจ ปชหติ กามราคานุสยญฺจ ปชหติ.

๑๔๔. (ก) ยโต ปฏิฆานุสยํ ปชหติ ตโต มานานุสยํ ปชหตีติ? โน.

(ข) ยโต วา ปน มานานุสยํ ปชหติ ตโต ปฏิฆานุสยํ ปชหตีติ? โน.

ยโต ปฏิฆานุสยํ ปชหติ ตโต ทิฏฺฐานุสยํ…เป… วิจิกิจฺฉานุสยํ ปชหตีติ? อามนฺตา.

ยโต วา ปน วิจิกิจฺฉานุสยํ ปชหติ ตโต ปฏิฆานุสยํ ปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต วิจิกิจฺฉานุสยํ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต วิจิกิจฺฉานุสยญฺจ ปชหติ ปฏิฆานุสยญฺจ ปชหติ.

(ก) ยโต ปฏิฆานุสยํ ปชหติ ตโต ภวราคานุสยํ ปชหตีติ? โน.

(ข) ยโต วา ปน ภวราคานุสยํ ปชหติ ตโต ปฏิฆานุสยํ ปชหตีติ? โน.

(ก) ยโต ปฏิฆานุสยํ ปชหติ ตโต อวิชฺชานุสยํ ปชหตีติ? อามนฺตา.

(ข) ยโต วา ปน อวิชฺชานุสยํ ปชหติ ตโต ปฏิฆานุสยํ ปชหตีติ?

กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยํ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต อวิชฺชานุสยญฺจ ปชหติ ปฏิฆานุสยญฺจ ปชหติ.

๑๔๕. ยโต มานานุสยํ ปชหติ ตโต ทิฏฺฐานุสยํ…เป… วิจิกิจฺฉานุสยํ ปชหตีติ? อามนฺตา.

ยโต วา ปน วิจิกิจฺฉานุสยํ ปชหติ ตโต มานานุสยํ ปชหตีติ?

ทุกฺขาย เวทนาย ตโต วิจิกิจฺฉานุสยํ ปชหติ, โน จ ตโต มานานุสยํ ปชหติ. กามธาตุยา ทฺวีสุ เวทนาสุ รูปธาตุยา อรูปธาตุยา ตโต วิจิกิจฺฉานุสยญฺจ ปชหติ มานานุสยญฺจ ปชหติ.

(ก) ยโต มานานุสยํ ปชหติ ตโต ภวราคานุสยํ ปชหตีติ?

กามธาตุยา ทฺวีสุ เวทนาสุ ตโต มานานุสยํ ปชหติ, โน จ ตโต ภวราคานุสยํ ปชหติ. รูปธาตุยา อรูปธาตุยา ตโต มานานุสยญฺจ ปชหติ ภวราคานุสยญฺจ ปชหติ.

(ข) ยโต วา ปน ภวราคานุสยํ ปชหติ ตโต มานานุสยํ ปชหตีติ? อามนฺตา.

(ก) ยโต มานานุสยํ ปชหติ ตโต อวิชฺชานุสยํ ปชหตีติ? อามนฺตา.

(ข) ยโต วา ปน อวิชฺชานุสยํ ปชหติ ตโต มานานุสยํ ปชหตีติ?

ทุกฺขาย เวทนาย ตโต อวิชฺชานุสยํ ปชหติ, โน จ ตโต มานานุสยํ ปชหติ. กามธาตุยา ทฺวีสุ เวทนาสุ รูปธาตุยา อรูปธาตุยา ตโต อวิชฺชานุสยญฺจ ปชหติ มานานุสยญฺจ ปชหติ.

๑๔๖. (ก) ยโต ทิฏฺฐานุสยํ ปชหติ ตโต วิจิกิจฺฉานุสยํ ปชหตีติ? อามนฺตา.

(ข) ยโต วา ปน วิจิกิจฺฉานุสยํ ปชหติ ตโต ทิฏฺฐานุสยํ ปชหตีติ? อามนฺตา …เป….

๑๔๗. (ก) ยโต วิจิกิจฺฉานุสยํ ปชหติ ตโต ภวราคานุสยํ ปชหตีติ?

กามธาตุยา ตีสุ เวทนาสุ ตโต วิจิกิจฺฉานุสยํ ปชหติ, โน จ ตโต ภวราคานุสยํ ปชหติ. รูปธาตุยา อรูปธาตุยา ตโต วิจิกิจฺฉานุสยญฺจ ปชหติ ภวราคานุสยญฺจ ปชหติ.

(ข) ยโต วา ปน ภวราคานุสยํ ปชหติ ตโต วิจิกิจฺฉานุสยํ ปชหตีติ? อามนฺตา.

(ก) ยโต วิจิกิจฺฉานุสยํ ปชหติ ตโต อวิชฺชานุสยํ ปชหตีติ? อามนฺตา.

(ข) ยโต วา ปน อวิชฺชานุสยํ ปชหติ ตโต วิจิกิจฺฉานุสยํ ปชหตีติ? อามนฺตา.

๑๔๘. (ก) ยโต ภวราคานุสยํ ปชหติ ตโต อวิชฺชานุสยํ ปชหตีติ? อามนฺตา.

(ข) ยโต วา ปน อวิชฺชานุสยํ ปชหติ ตโต ภวราคานุสยํ ปชหตีติ?

กามธาตุยา ตีสุ เวทนาสุ ตโต อวิชฺชานุสยํ ปชหติ โน จ ตโต ภวราคานุสยํ ปชหติ. รูปธาตุยา อรูปธาตุยา ตโต อวิชฺชานุสยญฺจ ปชหติ ภวราคานุสยญฺจ ปชหติ. (เอกมูลกํ)

๑๔๙. (ก) ยโต กามราคานุสยญฺจ ปฏิฆานุสยญฺจ ปชหติ ตโต มานานุสยํ ปชหตีติ? นตฺถิ.

(ข) ยโต วา ปน มานานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ?

รูปธาตุยา อรูปธาตุยา ตโต มานานุสยํ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต มานานุสยญฺจ กามราคานุสยญฺจ ปชหติ, โน จ ตโต ปฏิฆานุสยํ ปชหติ.

ยโต กามราคานุสยญฺจ ปฏิฆานุสยญฺจ ปชหติ ตโต ทิฏฺฐานุสยํ…เป… วิจิกิจฺฉานุสยํ ปชหตีติ? นตฺถิ.

ยโต วา ปน วิจิกิจฺฉานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ?

รูปธาตุยา อรูปธาตุยา ตโต วิจิกิจฺฉานุสยํ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ปชหติ, โน จ ตโต กามราคานุสยํ ปชหติ.

(ก) ยโต กามราคานุสยญฺจ ปฏิฆานุสยญฺจ ปชหติ ตโต ภวราคานุสยํ ปชหตีติ? นตฺถิ.

(ข) ยโต วา ปน ภวราคานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ? โน.

(ก) ยโต กามราคานุสยญฺจ ปฏิฆานุสยญฺจ ปชหติ ตโต อวิชฺชานุสยํ ปชหตีติ? นตฺถิ.

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยํ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ปชหติ, โน จ ตโต กามราคานุสยํ ปชหติ. (ทุกมูลกํ)

๑๕๐. ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ ตโต ทิฏฺฐานุสยํ…เป… วิจิกิจฺฉานุสยํ ปชหตีติ? นตฺถิ.

ยโต วา ปน วิจิกิจฺฉานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

รูปธาตุยา อรูปธาตุยา ตโต วิจิกิจฺฉานุสยญฺจ มานานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ มานานุสยญฺจ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติ.

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ ตโต ภวราคานุสยํ ปชหตีติ? นตฺถิ.

(ข) ยโต วา ปน ภวราคานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

มานานุสยํ ปชหติ.

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ปชหติ ตโต อวิชฺชานุสยํ ปชหตีติ? นตฺถิ.

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติ. (ติกมูลกํ)

๑๕๑. (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหติ ตโต วิจิกิจฺฉานุสยํ ปชหตีติ? นตฺถิ.

(ข) ยโต วา ปน วิจิกิจฺฉานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปชหตีติ?

รูปธาตุยา อรูปธาตุยา ตโต วิจิกิจฺฉานุสยญฺจ มานานุสยญฺจ ทิฏฺฐานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต วิจิกิจฺฉานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต วิจิกิจฺฉานุสยญฺจ ปฏิฆานุสยญฺจ ทิฏฺฐานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติ …เป…. (จตุกฺกมูลกํ)

๑๕๒. (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ ตโต ภวราคานุสยํ ปชหตีติ? นตฺถิ.

(ข) ยโต วา ปน ภวราคานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ.

(ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ ตโต อวิชฺชานุสยํ ปชหตีติ? นตฺถิ.

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต ปฏิฆานุสยํ ปชหติ. ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ มานานุสยญฺจ ปชหติ. (ปญฺจกมูลกํ)

๑๕๓. (ก) ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ ตโต อวิชฺชานุสยํ ปชหตีติ? นตฺถิ.

(ข) ยโต วา ปน อวิชฺชานุสยํ ปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหตีติ?

รูปธาตุยา อรูปธาตุยา ตโต อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปชหติ, โน จ ตโต กามราคานุสยญฺจ ปฏิฆานุสยญฺจ ปชหติ. กามธาตุยา ทฺวีสุ เวทนาสุ ตโต อวิชฺชานุสยญฺจ กามราคานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต ปฏิฆานุสยญฺจ ภวราคานุสยญฺจ ปชหติ. ทุกฺขาย เวทนาย ตโต อวิชฺชานุสยญฺจ ปฏิฆานุสยญฺจ ทิฏฺฐานุสยญฺจ วิจิกิจฺฉานุสยญฺจ ปชหติ, โน จ ตโต กามราคานุสยญฺจ มานานุสยญฺจ ภวราคานุสยญฺจ ปชหติ. (ฉกฺกมูลกํ)

(ค) อนุโลมปุคฺคโลกาสา

๑๕๔. (ก) โย ยโต กามราคานุสยํ ปชหติ โส ตโต ปฏิฆานุสยํ ปชหตีติ? โน.

(ข) โย วา ปน ยโต ปฏิฆานุสยํ ปชหติ โส ตโต กามราคานุสยํ ปชหตีติ? โน.

(ก) โย ยโต กามราคานุสยํ ปชหติ โส ตโต มานานุสยํ ปชหตีติ?

ตเทกฏฺฐํ ปชหติ.

(ข) โย วา ปน ยโต มานานุสยํ ปชหติ โส ตโต กามราคานุสยํ ปชหตีติ? โน.

โย ยโต กามราคานุสยํ ปชหติ โส ตโต ทิฏฺฐานุสยํ…เป… วิจิกิจฺฉานุสยํ ปชหตีติ? โน.

โย วา ปน ยโต วิจิกิจฺฉานุสยํ ปชหติ โส ตโต กามราคานุสยํ ปชหตีติ?

อฏฺฐมโก ทุกฺขาย เวทนาย รูปธาตุยา อรูปธาตุยา โส ตโต วิจิกิจฺฉานุสยํ ปชหติ, โน จ โส ตโต กามราคานุสยํ ปชหติ. เสฺวว ปุคฺคโล กามธาตุยา ทฺวีสุ เวทนาสุ โส ตโต วิจิกิจฺฉานุสยํ ปชหติ กามราคานุสยํ ตเทกฏฺฐํ ปชหติ.

(ก) โย ยโต กามราคานุสยํ ปชหติ โส ตโต ภวราคานุสยํ ปชหตีติ? โน.

(ข) โย วา ปน ยโต ภวราคานุสยํ ปชหติ โส ตโต กามราคานุสยํ ปชหตีติ? โน.

(ก) โย ยโต กามราคานุสยํ ปชหติ โส ตโต อวิชฺชานุสยํ ปชหตีติ?

ตเทกฏฺฐํ ปชหติ.

(ข) โย วา ปน ยโต อวิชฺชานุสยํ ปชหติ โส ตโต กามราคานุสยํ ปชหตีติ? โน.

๑๕๕. (ก) โย ยโต ปฏิฆานุสยํ ปชหติ โส ตโต มานานุสยํ ปชหตีติ? โน.

(ข) โย วา ปน ยโต มานานุสยํ ปชหติ โส ตโต ปฏิฆานุสยํ ปชหตีติ? โน.

โย ยโต ปฏิฆานุสยํ ปชหติ โส ตโต ทิฏฺฐานุสยํ…เป… วิจิกิจฺฉานุสยํ ปชหตีติ? โน.