๓. สุทฺธายตนวาโร

(ก) อนุโลมํ

๑๔. (ก) จกฺขุ อายตนนฺติ? อามนฺตา.

(ข) อายตนา จกฺขายตนนฺติ?

จกฺขายตนํ อายตนญฺเจว จกฺขายตนญฺจ. อวเสสา อายตนา น จกฺขายตนํ.

โสตํ อายตนนฺติ?

อามนฺตา.…เป… ฆานํ… ชิวฺหา… กาโย… รูปํ… สทฺโท… คนฺโธ… รโส… โผฏฺฐพฺโพ… มโน… ธมฺโม อายตนนฺติ?

อามนฺตา.

อายตนา ธมฺมายตนนฺติ?

ธมฺมายตนํ อายตนญฺเจว ธมฺมายตนญฺจ. อวเสสา อายตนา น ธมฺมายตนํ.

(ข) ปจฺจนีกํ

๑๕. (ก) น จกฺขุ นายตนนฺติ?

จกฺขุํ ฐเปตฺวา อวเสสา อายตนา น จกฺขุ, อายตนา. จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา.

(ข) นายตนา น จกฺขายตนนฺติ? อามนฺตา.

น โสตํ นายตนนฺติ?

โสตํ ฐเปตฺวา…เป… ฆานํ ฐเปตฺวา…เป… ชิวฺหํ ฐเปตฺวา…เป… น จ อายตนา.

นายตนา น ชิวฺหายตนนฺติ? อามนฺตา.

(ก) น กาโย นายตนนฺติ? อามนฺตา.

(ข) นายตนา น กายายตนนฺติ? อามนฺตา.

น รูปํ นายตนนฺติ?

รูปํ ฐเปตฺวา…เป… สทฺทํ ฐเปตฺวา…เป… คนฺธํ ฐเปตฺวา…เป… รสํ ฐเปตฺวา…เป… โผฏฺฐพฺพํ ฐเปตฺวา…เป… น จ อายตนา. นายตนา น โผฏฺฐพฺพายตนนฺติ? อามนฺตา.

(ก) น มโน นายตนนฺติ?

มนํ ฐเปตฺวา อวเสสา อายตนา น มโน, อายตนา. มนญฺจ อายตนญฺจ ฐเปตฺวา อวเสสา น เจว มโน น จ อายตนา.

(ข) นายตนา น มนายตนนฺติ? อามนฺตา.

(ก) น ธมฺโม นายตนนฺติ? อามนฺตา.

(ข) นายตนา น ธมฺมายตนนฺติ? อามนฺตา.