๔. สุทฺธายตนมูลจกฺกวาโร

(ก) อนุโลมํ

๑๖. (ก) จกฺขุ อายตนนฺติ? อามนฺตา.

(ข) อายตนา โสตายตนนฺติ?

โสตายตนํ อายตนญฺเจว โสตายตนญฺจ. อวเสสา อายตนา น โสตายตนํ.

จกฺขุ อายตนนฺติ? อามนฺตา.

อายตนา ฆานายตนํ…เป… อายตนา ธมฺมายตนนฺติ?

ธมฺมายตนํ อายตนญฺเจว ธมฺมายตนญฺจ. อวเสสา อายตนา น ธมฺมายตนํ.

โสตํ อายตนนฺติ? อามนฺตา.

อายตนา จกฺขายตนนฺติ?…เป… น จกฺขายตนํ…เป…. อายตนา ธมฺมายตนนฺติ?…เป… น ธมฺมายตนํ.

ฆานํ อายตนนฺติ? อามนฺตา.

อายตนา จกฺขายตนนฺติ?…เป… อายตนา ธมฺมายตนนฺติ? …เป… น ธมฺมายตนํ…เป….

ธมฺโม อายตนนฺติ? อามนฺตา.

อายตนา จกฺขายตนํ…เป… อายตนา มนายตนนฺติ?

มนายตนํ อายตนญฺเจว มนายตนญฺจ. อวเสสา อายตนา น มนายตนํ.

(จกฺกํ พนฺธิตพฺพํ)

(ข) ปจฺจนีกํ

๑๗. (ก) น จกฺขุ นายตนนฺติ?

จกฺขุํ ฐเปตฺวา อวเสสา อายตนา น จกฺขุ, อายตนา. จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา.

(ข) นายตนา น โสตายตนนฺติ? อามนฺตา.

น จกฺขุ นายตนนฺติ?

จกฺขุํ ฐเปตฺวา อวเสสา อายตนา น จกฺขุ, อายตนา. จกฺขุญฺจ อายตนญฺจ ฐเปตฺวา อวเสสา น เจว จกฺขุ น จ อายตนา….

นายตนา น ฆานายตนํ…เป… นายตนา น ธมฺมายตนนฺติ?

อามนฺตา.

น โสตํ นายตนนฺติ?

โสตํ ฐเปตฺวา…เป… ฆานํ ฐเปตฺวา…เป… ชิวฺหํ ฐเปตฺวา…เป… น จ อายตนา. นายตนา น ธมฺมายตนนฺติ? อามนฺตา.

น กาโย นายตนนฺติ? อามนฺตา.

นายตนา น จกฺขายตนนฺติ? อามนฺตา.…เป…. นายตนา น ธมฺมายตนนฺติ? อามนฺตา.…เป….

(ก) น ธมฺโม นายตนนฺติ? อามนฺตา.

(ข) นายตนา น จกฺขายตนนฺติ? อามนฺตา.

(ก) น ธมฺโม นายตนนฺติ? อามนฺตา.

(ข) นายตนา น โสตายตนนฺติ? อามนฺตา.…เป….

นายตนา น มนายตนนฺติ? อามนฺตา.

(จกฺกํ พนฺธิตพฺพํ)

ปณฺณตฺตินิทฺเทสวาโร.