๔. ปจฺจุปฺปนฺนาตีตวาโร

๒๕๒. (ก) โย จกฺขายตนํ ปริชานาติ โส โสตายตนํ ปริชานิตฺถาติ? โน.

(ข) โย วา ปน โสตายตนํ ปริชานิตฺถ โส จกฺขายตนํ ปริชานาตีติ? โน.

(ก) โย จกฺขายตนํ น ปริชานาติ โส โสตายตนํ น ปริชานิตฺถาติ?

อรหา จกฺขายตนํ น ปริชานาติ, โน จ โสตายตนํ น ปริชานิตฺถ. อคฺคมคฺคสมงฺคิญฺจ อรหนฺตญฺจ ฐเปตฺวา อวเสสา ปุคฺคลา จกฺขายตนญฺจ น ปริชานนฺติ โสตายตนญฺจ น ปริชานิตฺถ.

(ข) โย วา ปน โสตายตนํ น ปริชานิตฺถ โส จกฺขายตนํ น ปริชานาตีติ?

อคฺคมคฺคสมงฺคี โสตายตนํ น ปริชานิตฺถ, โน จ จกฺขายตนํ น ปริชานาติ. อคฺคมคฺคสมงฺคิญฺจ อรหนฺตญฺจ ฐเปตฺวา อวเสสา ปุคฺคลา โสตายตนญฺจ น ปริชานิตฺถ จกฺขายตนญฺจ น ปริชานนฺติ.