(๓) มูลกนโย

๙๒. (ก) เย เกจิ นามา ธมฺมา, สพฺเพ เต นามมูลกาติ?

อเหตุกํ นามํ น นามมูลกํ. สเหตุกํ นามํ นามมูลกํ.

(ข) เย วา ปน นามมูลกา, สพฺเพ เต ธมฺมา นามาติ?

นามสมุฏฺฐานํ รูปํ นามมูลกํ, น นามํ. นามํ นามมูลกญฺเจว นามญฺจ.

๙๓. (ก) เย เกจิ นามา ธมฺมา, สพฺเพ เต นามมูเลน เอกมูลกาติ?

อเหตุกํ นามํ นามมูเลน น เอกมูลกํ. สเหตุกํ นามํ นามมูเลน เอกมูลกํ.

(ข) เย วา ปน นามมูเลน เอกมูลกา, สพฺเพ เต ธมฺมา นามาติ?

นามสมุฏฺฐานํ รูปํ นามมูเลน เอกมูลกํ, น นามํ. นามํ นามมูเลน เอกมูลกญฺเจว นามญฺจ.

๙๔. (ก) เย เกจิ นามมูเลน เอกมูลกา ธมฺมา, สพฺเพ เต นามมูเลน อญฺญมญฺญมูลกาติ?

มูลานิ ยานิ เอกโต อุปฺปชฺชนฺติ นามมูลานิ เอกมูลกานิ เจว อญฺญมญฺญมูลกานิ จ. อวเสสา นามมูลสหชาตา ธมฺมา นามมูเลน เอกมูลกา, น จ อญฺญมญฺญมูลกา.

(ข) เย วา ปน นามมูเลน อญฺญมญฺญมูลกา, สพฺเพ เต ธมฺมา นามาติ? อามนฺตา.