ธมฺมปจฺจนีเย ทุกติกปฏฺฐานํ

๑-๑. เหตุทุก-กุสลตฺติกํ

๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑. นเหตุํ นกุสลํ ธมฺมํ ปฏิจฺจ นเหตุ นกุสโล ธมฺโม อุปฺปชฺชติ เหตุปจฺจยา – นเหตุํ อกุสลํ อพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ. นเหตุํ นกุสลํ ธมฺมํ ปฏิจฺจ นนเหตุํ นกุสโล ธมฺโม อุปฺปชฺชติ เหตุปจฺจยา – นเหตู อกุสเล อพฺยากเต ขนฺเธ ปฏิจฺจ เหตู. นเหตุํ นกุสลํ ธมฺมํ ปฏิจฺจ นเหตุ นกุสโล จ นนเหตุ นกุสโล จ ธมฺมา อุปฺปชฺชนฺติ เหตุปจฺจยา. (๓)

นนเหตุํ นกุสลํ ธมฺมํ ปฏิจฺจ นนเหตุ นกุสโล ธมฺโม อุปฺปชฺชติ เหตุปจฺจยา. นนเหตุํ นกุสลํ ธมฺมํ ปฏิจฺจ นเหตุ นกุสโล ธมฺโม อุปฺปชฺชติ เหตุปจฺจยา. นนเหตุํ นกุสลํ ธมฺมํ ปฏิจฺจ นเหตุ นกุสโล จ นนเหตุ นกุสโล จ ธมฺมา อุปฺปชฺชนฺติ เหตุปจฺจยา. (๓)

นเหตุํ นกุสลญฺจ นนเหตุํ นกุสลญฺจ ธมฺมํ ปฏิจฺจ นเหตุ นกุสโล ธมฺโม อุปฺปชฺชติ เหตุปจฺจยา. นเหตุํ นกุสลญฺจ นนเหตุํ นกุสลญฺจ ธมฺมํ ปฏิจฺจ นนเหตุ นกุสโล ธมฺโม อุปฺปชฺชติ เหตุปจฺจยา. นเหตุํ นกุสลญฺจ นนเหตุํ นกุสลญฺจ ธมฺมํ ปฏิจฺจ นเหตุ นกุสโล จ นนเหตุ นกุสโล จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

๒. เหตุยา นว…เป… อวิคเต นว.

นเหตุยา เทฺว.

(สหชาตวาเรปิ…เป… สมฺปยุตฺตวาเรปิ สพฺพตฺถ วิตฺถาโร.)

เหตุ-อารมฺมณปจฺจยา

๓. นนเหตุ นกุสโล ธมฺโม นนเหตุสฺส นกุสลสฺส ธมฺมสฺส เหตุปจฺจเยน ปจฺจโย. นนเหตุ นกุสโล ธมฺโม นเหตุสฺส นกุสลสฺส ธมฺมสฺส เหตุปจฺจเยน ปจฺจโย. นนเหตุ นกุสโล ธมฺโม นเหตุสฺส นกุสลสฺส จ นนเหตุสฺส นกุสลสฺส จ ธมฺมสฺส เหตุปจฺจเยน ปจฺจโย. (๓)

นเหตุ นกุสโล ธมฺโม นเหตุสฺส นกุสลสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)

๔. เหตุยา ตีณิ, อารมฺมเณ นว…เป… อวิคเต นว. (ปญฺหาวารํ เอวํ วิตฺถาเรตพฺพํ).

๕. นเหตุํ นอกุสลํ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยา – นเหตุํ กุสลํ อพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… เทฺว ขนฺเธ…เป… นเหตุํ นอกุสลํ ธมฺมํ ปฏิจฺจ นนเหตุ นอกุสโล ธมฺโม อุปฺปชฺชติ เหตุปจฺจยา – นเหตู กุสเล อพฺยากเต ขนฺเธ ปฏิจฺจ เหตู. นเหตุํ นอกุสลํ ธมฺมํ ปฏิจฺจ นเหตุ นอกุสโล จ นนเหตุ นอกุสโล จ ธมฺมา อุปฺปชฺชนฺติ เหตุปจฺจยา. (๓)

นนเหตุํ นอกุสลํ ธมฺมํ ปฏิจฺจ นนเหตุ นอกุสโล ธมฺโม อุปฺปชฺชติ เหตุปจฺจยา. นนเหตุํ นอกุสลํ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยา. นนเหตุํ นอกุสลํ ธมฺมํ ปฏิจฺจ นเหตุ นอกุสโล จ นนเหตุ นอกุสโล จ ธมฺมา อุปฺปชฺชนฺติ เหตุปจฺจยา. (๓)

นเหตุํ นอกุสลญฺจ นนเหตุํ นอกุสลญฺจ ธมฺมํ ปฏิจฺจ นเหตุ นอกุสโล ธมฺโม อุปฺปชฺชติ เหตุปจฺจยา. นเหตุํ นอกุสลญฺจ นนเหตุํ นอกุสลญฺจ ธมฺมํ ปฏิจฺจ นนเหตุ นอกุสโล ธมฺโม อุปฺปชฺชติ เหตุปจฺจยา. นเหตุํ นอกุสลญฺจ นนเหตุํ นอกุสลญฺจ ธมฺมํ ปฏิจฺจ นเหตุ นอกุสโล จ นนเหตุ นอกุสโล จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ).

เหตุยา นว…เป… อวิคเต นว. (สพฺพตฺถ นว.)

๖. นเหตุํ นอพฺยากตํ ธมฺมํ ปฏิจฺจ นเหตุ นอพฺยากโต ธมฺโม อุปฺปชฺชติ เหตุปจฺจยา – กุสลากุสลํ นเหตุํ เอกํ ขนฺธํ ปฏิจฺจ ตโย ขนฺธา, ตโย ขนฺเธ ปฏิจฺจ เอโก ขนฺโธ. นเหตุํ นอพฺยากตํ ธมฺมํ ปฏิจฺจ นนเหตุ นอพฺยากโต ธมฺโม อุปฺปชฺชติ เหตุปจฺจยา. นเหตุํ นอพฺยากตํ ธมฺมํ ปฏิจฺจ นเหตุ นอพฺยากโต จ นนเหตุ นอพฺยากโต จ ธมฺมา อุปฺปชฺชนฺติ เหตุปจฺจยา. (๓)

นนเหตุํ นอพฺยากตํ ธมฺมํ ปฏิจฺจ นนเหตุ นอพฺยากโต ธมฺโม อุปฺปชฺชติ เหตุปจฺจยา… ตีณิ.

นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นเหตุ นอพฺยากโต ธมฺโม อุปฺปชฺชติ เหตุปจฺจยา. นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นนเหตุ นอพฺยากโต ธมฺโม อุปฺปชฺชติ เหตุปจฺจยา. นเหตุํ นอพฺยากตญฺจ นนเหตุํ นอพฺยากตญฺจ ธมฺมํ ปฏิจฺจ นเหตุ นอพฺยากโต จ นนเหตุ นอพฺยากโต จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว…เป… อวิคเต นว. (สพฺพตฺถ นว.)

๑-๒ เหตุทุก-เวทนาตฺติกํ

๗. นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ นเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นเหตุํ นสุขาย เวทนาย สมฺปยุตฺตํ ธมฺมํ ปฏิจฺจ นนเหตุ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว. (สพฺพตฺถ นว.)

๘. นเหตุํ นทุกฺขาย เวทนาย สมฺปยุตฺตํ ธมฺมํ ปฏิจฺจ นเหตุ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว. (สพฺพตฺถ นว.)

๙. นเหตุํ นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นเหตุ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว. (สพฺพตฺถ นว.)

๑-๓-๙. เหตุทุก-วิปากาทิตฺติกานิ

๑๐. นเหตุํ นวิปากํ ธมฺมํ ปฏิจฺจ…เป….

นเหตุํ นวิปากธมฺมธมฺมํ ปฏิจฺจ…เป….

นเหตุํ นเนววิปากนวิปากธมฺมธมฺมํ ปฏิจฺจ…เป….

๑๑. นเหตุํ นอุปาทินฺนุปาทานิยํ ธมฺมํ ปฏิจฺจ…เป….

นเหตุํ นอนุปาทินฺนุปาทานิยํ ธมฺมํ ปฏิจฺจ…เป….

นเหตุํ นอนุปาทินฺนอนุปาทานิยํ ธมฺมํ ปฏิจฺจ…เป….

๑๒. นเหตุํ นสํกิลิฏฺฐสํกิเลสิกํ ธมฺมํ ปฏิจฺจ…เป….

นเหตุํ นอสํกิลิฏฺฐสํกิเลสิกํ ธมฺมํ ปฏิจฺจ…เป….

นเหตุํ นอสํกิลิฏฺฐอสํกิเลสิกํ ธมฺมํ ปฏิจฺจ…เป….

๑๓. นเหตุํ นสวิตกฺกสวิจารํ ธมฺมํ ปฏิจฺจ…เป….

นเหตุํ นอวิตกฺกวิจารมตฺตํ ธมฺมํ ปฏิจฺจ…เป….

นเหตุํ นอวิตกฺกอวิจารํ ธมฺมํ ปฏิจฺจ…เป….

๑๔. นเหตุํ นปีติสหคตํ ธมฺมํ ปฏิจฺจ…เป….

นเหตุํ นสุขสหคตํ ธมฺมํ ปฏิจฺจ…เป….

นเหตุํ นอุเปกฺขาสหคตํ ธมฺมํ ปฏิจฺจ…เป….

๑๕. นเหตุํ นทสฺสเนน ปหาตพฺพํ ธมฺมํ ปฏิจฺจ…เป….

นเหตุํ นภาวนาย ปหาตพฺพํ ธมฺมํ ปฏิจฺจ…เป….

นเหตุํ นเนวทสฺสเนน นภาวนาย ปหาตพฺพํ ธมฺมํ ปฏิจฺจ…เป….

๑๖. นเหตุํ นทสฺสเนน ปหาตพฺพเหตุกํ ธมฺมํ ปฏิจฺจ…เป….

นเหตุํ นภาวนาย ปหาตพฺพเหตุกํ ธมฺมํ ปฏิจฺจ…เป….

นเหตุํ นเนวทสฺสเนน นภาวนาย ปหาตพฺพเหตุกํ ธมฺมํ ปฏิจฺจ…เป….

๑-๑๐-๒๑. เหตุทุก-อาจยคามาทิตฺติกานิ

๑๗. นเหตุํ นอาจยคามึ ธมฺมํ ปฏิจฺจ…เป….

นเหตุํ นอปจยคามึ ธมฺมํ ปฏิจฺจ…เป….

นเหตุํ นเนวอาจยคามึ นาปจยคามึ ธมฺมํ ปฏิจฺจ…เป….

๑๘. นเหตุํ นเสกฺขํ ธมฺมํ ปฏิจฺจ…เป….

นเหตุํ นอเสกฺขํ ธมฺมํ ปฏิจฺจ…เป….

นเหตุํ นเนวเสกฺขนาเสกฺขํ ธมฺมํ ปฏิจฺจ…เป….

๑๙. นเหตุํ นปริตฺตํ ธมฺมํ ปฏิจฺจ…เป….

นเหตุํ นมหคฺคตํ ธมฺมํ ปฏิจฺจ…เป….

นเหตุํ นอปฺปมาณํ ธมฺมํ ปฏิจฺจ…เป….

๒๐. นเหตุํ นปริตฺตารมฺมณํ ธมฺมํ ปฏิจฺจ…เป….

นเหตุํ นมหคฺคตารมฺมณํ ธมฺมํ ปฏิจฺจ…เป….

นเหตุํ นอปฺปมาณารมฺมณํ ธมฺมํ ปฏิจฺจ…เป….

๒๑. นเหตุํ นหีนํ ธมฺมํ ปฏิจฺจ…เป….

นเหตุํ นมชฺฌิมํ ธมฺมํ ปฏิจฺจ …เป….

นเหตุํ นปณีตํ ธมฺมํ ปฏิจฺจ…เป….

๒๒. นเหตุํ นมิจฺฉตฺตนิยตํ ธมฺมํ ปฏิจฺจ…เป….

นเหตุํ นสมฺมตฺตนิยตํ ธมฺมํ ปฏิจฺจ…เป….

นเหตุํ นอนิยตํ ธมฺมํ ปฏิจฺจ…เป….

๒๓. นเหตุํ นมคฺคารมฺมณํ ธมฺมํ ปฏิจฺจ…เป….

นเหตุํ นมคฺคเหตุกํ ธมฺมํ ปฏิจฺจ…เป….

นเหตุํ นมคฺคาธิปตึ ธมฺมํ ปฏิจฺจ…เป….

๒๔. นเหตุํ นอนุปฺปนฺนํ ธมฺมํ ปฏิจฺจ…เป….

นเหตุํ นอุปฺปาทึ ธมฺมํ ปฏิจฺจ…เป….

๒๕. นเหตุํ นอตีตํ ธมฺมํ ปฏิจฺจ…เป….

นเหตุํ นอนาคตํ ธมฺมํ ปฏิจฺจ…เป….

๒๖. นเหตุํ นอตีตารมฺมณํ ธมฺมํ ปฏิจฺจ…เป….

นเหตุํ นอนาคตารมฺมณํ ธมฺมํ ปฏิจฺจ…เป….

นเหตุํ นปจฺจุปฺปนฺนารมฺมณํ ธมฺมํ ปฏิจฺจ…เป….

๒๗. นเหตุํ นอชฺฌตฺตํ ธมฺมํ ปฏิจฺจ…เป….

นเหตุํ นพหิทฺธา ธมฺมํ ปฏิจฺจ…เป….

๒๘. นเหตุํ นอชฺฌตฺตารมฺมณํ ธมฺมํ ปฏิจฺจ…เป….

นเหตุํ นพหิทฺธารมฺมณํ ธมฺมํ ปฏิจฺจ…เป….

๑-๒๒. เหตุทุก-สนิทสฺสนตฺติกํ

๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๒๙. นเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นสนิทสฺสนสปฺปฏิฆํ ธมฺมํ ปฏิจฺจ นนเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ จ นนเหตุ นสนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓)

นนเหตุํ นสนิทสฺสนสปฺปฏิฆํ ธมฺมํ ปฏิจฺจ นนเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นนเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นนเหตุํ นสนิทสฺสนสปฺปฏิฆํ ธมฺมํ ปฏิจฺจ นเหตุ นสนิทสฺสนสปฺปฏิโฆ จ นนเหตุ นสนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓)

นเหตุํ นสนิทสฺสนสปฺปฏิฆญฺจ นนเหตุํ นสนิทสฺสนสปฺปฏิฆญฺจ ธมฺมํ ปฏิจฺจ นเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นสนิทสฺสนสปฺปฏิฆญฺจ นนเหตุํ นสนิทสฺสนสปฺปฏิฆญฺจ ธมฺมํ ปฏิจฺจ นนเหตุ นสนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นสนิทสฺสนสปฺปฏิฆญฺจ นนเหตุํ นสนิทสฺสนสปฺปฏิฆญฺจ ธมฺมํ ปฏิจฺจ นเหตุ นสนิทสฺสนสปฺปฏิโฆ จ นนเหตุ นสนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว…เป… อวิคเต นว. (สพฺพตฺถ นว.)

๓๐. นเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นอนิทสฺสนสปฺปฏิฆํ ธมฺมํ ปฏิจฺจ นนเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ จ นนเหตุ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓)

นนเหตุํ นอนิทสฺสนสปฺปฏิฆํ ธมฺมํ ปฏิจฺจ นนเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นนเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นนเหตุํ นอนิทสฺสนสปฺปฏิฆํ ธมฺมํ ปฏิจฺจ นเหตุ นอนิทสฺสนสปฺปฏิโฆ จ นนเหตุ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓)

นเหตุํ นอนิทสฺสนสปฺปฏิฆญฺจ นนเหตุํ นอนิทสฺสนสปฺปฏิฆญฺจ ธมฺมํ ปฏิจฺจ นเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นอนิทสฺสนสปฺปฏิฆญฺจ นนเหตุํ นอนิทสฺสนสปฺปฏิฆญฺจ ธมฺมํ ปฏิจฺจ นนเหตุ นอนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นเหตุํ นอนิทสฺสนสปฺปฏิฆญฺจ นนเหตุํ นอนิทสฺสนสปฺปฏิฆญฺจ ธมฺมํ ปฏิจฺจ นเหตุ นอนิทสฺสนสปฺปฏิโฆ จ นนเหตุ นอนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว…เป… อวิคเต นว. (สหชาตวาเรปิ…เป… สมฺปยุตฺตวาเรปิ สพฺพตฺถ วิตฺถาโร.)

เหตุ-อารมฺมณปจฺจยา

๓๑. นนเหตุ นอนิทสฺสนสปฺปฏิโฆ ธมฺโม นนเหตุสฺส นอนิทสฺสนสปฺปฏิฆสฺส ธมฺมสฺส เหตุปจฺจเยน ปจฺจโย. นนเหตุ นอนิทสฺสนสปฺปฏิโฆ ธมฺโม นเหตุสฺส นอนิทสฺสนสปฺปฏิฆสฺส ธมฺมสฺส เหตุปจฺจเยน ปจฺจโย. นนเหตุ นอนิทสฺสนสปฺปฏิโฆ ธมฺโม นเหตุสฺส นอนิทสฺสนสปฺปฏิฆสฺส จ นนเหตุสฺส นอนิทสฺสนสปฺปฏิฆสฺส จ ธมฺมสฺส เหตุปจฺจเยน ปจฺจโย. (๓)

นเหตุ นอนิทสฺสนสปฺปฏิโฆ ธมฺโม นเหตุสฺส นอนิทสฺสนสปฺปฏิฆสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)

เหตุยา ตีณิ, อารมฺมเณ นว…เป… อุปนิสฺสเย นว, ปุเรชาเต ปจฺฉาชาเต ตีณิ, อาเสวเน นว, กมฺเม ตีณิ, วิปาเก นว, อาหาเร ตีณิ, อินฺทฺริเย นว, ฌาเน ตีณิ, มคฺเค สมฺปยุตฺเต นว, วิปฺปยุตฺเต ปญฺจ…เป… อวิคเต นว. (ปญฺหาวารํ เอวํ วิตฺถาเรตพฺพํ.)

๓๒. นเหตุํ นอนิทสฺสนอปฺปฏิฆํ ธมฺมํ ปฏิจฺจ นเหตุ นอนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เอกํ. (สพฺพตฺถ วิตฺถาโร.)

๒-๓-๑. สเหตุกทุกาทิ-กุสลตฺติกํ

๓๓. นสเหตุกํ นกุสลํ ธมฺมํ ปฏิจฺจ นสเหตุโก นกุสโล ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ ปฏิจฺจ จิตฺตสมุฏฺฐานํ รูปํ, เอกํ มหาภูตํ ปฏิจฺจ ตโย มหาภูตา…เป… เทฺว มหาภูเต…เป… นสเหตุกํ นกุสลํ ธมฺมํ ปฏิจฺจ นอเหตุโก นกุสโล ธมฺโม อุปฺปชฺชติ เหตุปจฺจยา – วิจิกิจฺฉาสหคตํ อุทฺธจฺจสหคตํ โมหํ ปฏิจฺจ สมฺปยุตฺตกา ขนฺธา; ปฏิสนฺธิกฺขเณ วตฺถุํ ปฏิจฺจ สเหตุกา ขนฺธา. นสเหตุกํ นกุสลํ ธมฺมํ ปฏิจฺจ นสเหตุโก นกุสโล จ นอเหตุโก นกุสโล จ ธมฺมา อุปฺปชฺชนฺติ เหตุปจฺจยา. (๓)

นอเหตุกํ นกุสลํ ธมฺมํ ปฏิจฺจ นอเหตุโก นกุสโล ธมฺโม อุปฺปชฺชติ เหตุปจฺจยา… ตีณิ.

นสเหตุกํ นกุสลญฺจ นอเหตุกํ นกุสลญฺจ ธมฺมํ ปฏิจฺจ นสเหตุโก นกุสโล ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา นว.

๓๔. นสเหตุกํ นอกุสลํ ธมฺมํ ปฏิจฺจ นสเหตุโก นอกุสโล ธมฺโม อุปฺปชฺชติ เหตุปจฺจยา… ตีณิ.

นอเหตุกํ นอกุสลํ ธมฺมํ ปฏิจฺจ นอเหตุโก นอกุสโล ธมฺโม อุปฺปชฺชติ เหตุปจฺจยา… ตีณิ.

นสเหตุกํ นอกุสลญฺจ นอเหตุกํ นอกุสลญฺจ ธมฺมํ ปฏิจฺจ นสเหตุโก นอกุสโล ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา นว.

๓๕. นสเหตุกํ นอพฺยากตํ ธมฺมํ ปฏิจฺจ นอเหตุโก นอพฺยากโต ธมฺโม อุปฺปชฺชติ เหตุปจฺจยา. (๑)

นอเหตุกํ นอพฺยากตํ ธมฺมํ ปฏิจฺจ นอเหตุโก นอพฺยากโต ธมฺโม อุปฺปชฺชติ เหตุปจฺจยา. (๑)

นสเหตุกํ นอพฺยากตญฺจ นอเหตุกํ นอพฺยากตญฺจ ธมฺมํ ปฏิจฺจ นอเหตุโก นอพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ.

(เหตุสมฺปยุตฺตทุกํ สเหตุกทุกสทิสํ.)

๔-๕-๑. เหตุสเหตุกทุกาทิ-กุสลตฺติกํ

๓๖. นเหตุญฺเจว นอเหตุกญฺจ นกุสลํ ธมฺมํ ปฏิจฺจ นเหตุ เจว นอเหตุโก จ นกุสโล ธมฺโม อุปฺปชฺชติ เหตุปจฺจยา. นเหตุญฺเจว นอเหตุกญฺจ นกุสลํ ธมฺมํ ปฏิจฺจ นอเหตุโก เจว นน จ เหตุ นกุสโล ธมฺโม อุปฺปชฺชติ เหตุปจฺจยา. นเหตุญฺเจว นอเหตุกญฺจ นกุสลํ ธมฺมํ ปฏิจฺจ นเหตุ เจว นอเหตุโก จ นกุสโล จ นอเหตุโก เจว นน จ เหตุ นกุสโล จ ธมฺมา อุปฺปชฺชนฺติ เหตุปจฺจยา. (๓)

นอเหตุกญฺเจว นน จ เหตุํ นกุสลํ ธมฺมํ ปฏิจฺจ นอเหตุโก เจว นน จ เหตุ นกุสโล ธมฺโม อุปฺปชฺชติ เหตุปจฺจยา… ตีณิ.

นเหตุญฺเจว นอเหตุกญฺจ นกุสลญฺจ นอเหตุกญฺเจว นน จ เหตุํ นกุสลญฺจ ธมฺมํ ปฏิจฺจ นเหตุ เจว นอเหตุโก จ นกุสโล ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา นว.

๓๗. นเหตุญฺเจว นอเหตุกญฺจ นอกุสลํ ธมฺมํ ปฏิจฺจ นเหตุ เจว นอเหตุโก จ นอกุสโล ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว.

๓๘. นเหตุญฺเจว นอเหตุกญฺจ นอพฺยากตํ ธมฺมํ ปฏิจฺจ นเหตุ เจว นอเหตุโก จ นอพฺยากโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว.

(เหตุเหตุสมฺปยุตฺตทุกํ เหตุสเหตุกทุกสทิสํ.)

๖-๑. นเหตุสเหตุกทุก-กุสลตฺติกํ

๓๙. นเหตุํ นสเหตุกํ นกุสลํ ธมฺมํ ปฏิจฺจ นเหตุ นสเหตุโก นกุสโล ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว.

๔๐. นเหตุํ นสเหตุกํ นอกุสลํ ธมฺมํ ปฏิจฺจ นเหตุ นสเหตุโก นอกุสโล ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว.

๔๑. นเหตุํ นอเหตุกํ นอพฺยากตํ ธมฺมํ ปฏิจฺจ นเหตุ นอเหตุโก นอพฺยากโต ธมฺโม อุปฺปชฺชติ เหตุปจฺจยา. (เอกปญฺหเมว. เอเตน อุปาเยน กุสลากุสลทุกํ กุสลตฺติกเมว เอตฺถ วฏฺฏติ.)

๗-๑๓-๑. จูฬนฺตรทุกานิ-กุสลตฺติกํ

๔๒. นอปจฺจยํ นกุสลํ ธมฺมํ ปฏิจฺจ…เป…. (สพฺพตฺถ เอกํ.) นอสงฺขตํ นกุสลํ ธมฺมํ ปฏิจฺจ…เป….

๔๓. นสนิทสฺสนํ นกุสลํ ธมฺมํ ปฏิจฺจ….

๔๔. นสปฺปฏิฆํ นกุสลํ ธมฺมํ ปฏิจฺจ…เป… นอปฺปฏิฆํ นกุสลํ ธมฺมํ ปฏิจฺจ….

๔๕. นรูปึ นกุสลํ ธมฺมํ ปฏิจฺจ…เป… นอรูปึ นกุสลํ ธมฺมํ ปฏิจฺจ ….

๔๖. นโลกิยํ นกุสลํ ธมฺมํ ปฏิจฺจ…เป… นโลกุตฺตรํ นกุสลํ ธมฺมํ ปฏิจฺจ….

๔๗. นเกนจิ วิญฺเญยฺยํ นกุสลํ ธมฺมํ ปฏิจฺจ…เป… นนเกนจิ วิญฺเญยฺยํ นกุสลํ ธมฺมํ ปฏิจฺจ….

๑๔-๑๙-๑. อาสวโคจฺฉก-กุสลตฺติกํ

๔๘. นอาสวํ นกุสลํ ธมฺมํ ปฏิจฺจ…เป… นโนอาสวํ นกุสลํ ธมฺมํ ปฏิจฺจ….

๔๙. นสาสวํ นกุสลํ ธมฺมํ ปฏิจฺจ…เป… นอนาสวํ กุสลํ ธมฺมํ ปฏิจฺจ….

๕๐. นอาสวสมฺปยุตฺตํ นกุสลํ ธมฺมํ ปฏิจฺจ…เป… นอาสววิปฺปยุตฺตํ นกุสลํ ธมฺมํ ปฏิจฺจ….

๕๑. นอาสวญฺเจว นอนาสวญฺจ นกุสลํ ธมฺมํ ปฏิจฺจ…เป… นอนาสวญฺเจว นโน จ อาสวํ นกุสลํ ธมฺมํ ปฏิจฺจ….

๕๒. นอาสวญฺเจว นอาสววิปฺปยุตฺตญฺจ นกุสลํ ธมฺมํ ปฏิจฺจ…เป… นอาสววิปฺปยุตฺตญฺเจว นโน จ อาสวํ นกุสลํ ธมฺมํ ปฏิจฺจ….

๕๓. อาสววิปฺปยุตฺตํ นสาสวํ นกุสลํ ธมฺมํ ปฏิจฺจ…เป… อาสววิปฺปยุตฺตํ นอนาสวํ นกุสลํ ธมฺมํ ปฏิจฺจ….

๒๐-๕๔-๑. ฉโคจฺฉกานิ-กุสลตฺติกํ

๕๔. โนสญฺโญชนํ นกุสลํ ธมฺมํ ปฏิจฺจ…เป… นโนสญฺโญชนํ นกุสลํ ธมฺมํ ปฏิจฺจ….

๕๕. โนคนฺถํ นกุสลํ ธมฺมํ ปฏิจฺจ…เป… โนโอฆํ…เป… โนโยคํ…เป… โนนีวรณํ.