๑-๗. ปฏิจฺจวาราทิ

๓๐. นอาสวสมฺปยุตฺตํ ธมฺมํ ปฏิจฺจ นอาสวสมฺปยุตฺโต ธมฺโม อุปฺปชฺชติ เหตุปจฺจยา. นอาสวสมฺปยุตฺตํ ธมฺมํ ปฏิจฺจ นอาสววิปฺปยุตฺโต ธมฺโม อุปฺปชฺชติ เหตุปจฺจยา. นอาสวสมฺปยุตฺตํ ธมฺมํ ปฏิจฺจ นอาสวสมฺปยุตฺโต จ นอาสววิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓)

นอาสววิปฺปยุตฺตํ ธมฺมํ ปฏิจฺจ นอาสววิปฺปยุตฺโต ธมฺโม อุปฺปชฺชติ เหตุปจฺจยา. นอาสววิปฺปยุตฺตํ ธมฺมํ ปฏิจฺจ นอาสวสมฺปยุตฺโต ธมฺโม อุปฺปชฺชติ เหตุปจฺจยา. นอาสววิปฺปยุตฺตํ ธมฺมํ ปฏิจฺจ นอาสวสมฺปยุตฺโต จ นอาสววิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓)

นอาสวสมฺปยุตฺตญฺจ นอาสววิปฺปยุตฺตญฺจ ธมฺมํ ปฏิจฺจ นอาสวสมฺปยุตฺโต ธมฺโม อุปฺปชฺชติ เหตุปจฺจยา. นอาสวสมฺปยุตฺตญฺจ นอาสววิปฺปยุตฺตญฺจ ธมฺมํ ปฏิจฺจ นอาสววิปฺปยุตฺโต ธมฺโม อุปฺปชฺชติ เหตุปจฺจยา. นอาสวสมฺปยุตฺตญฺจ นอาสววิปฺปยุตฺตญฺจ ธมฺมํ ปฏิจฺจ นอาสวสมฺปยุตฺโต จ นอาสววิปฺปยุตฺโต จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

เหตุยา นว, อารมฺมเณ ฉ…เป… อวิคเต นว. (สพฺพตฺถ วิตฺถาโร.)