๑-๗. ปฏิจฺจวาราทิ

๒๗. นเกนจิ วิญฺเญยฺยํ ธมฺมํ ปฏิจฺจ นเกนจิ วิญฺเญยฺโย ธมฺโม อุปฺปชฺชติ เหตุปจฺจยา. นเกนจิ วิญฺเญยฺยํ ธมฺมํ ปฏิจฺจ นนเกนจิ วิญฺเญยฺโย ธมฺโม อุปฺปชฺชติ เหตุปจฺจยา. นเกนจิ วิญฺเญยฺยํ ธมฺมํ ปฏิจฺจ นเกนจิ วิญฺเญยฺโย จ นนเกนจิ วิญฺเญยฺโย จ ธมฺมา อุปฺปชฺชนฺติ เหตุปจฺจยา. (๓)

นนเกนจิ วิญฺเญยฺยํ ธมฺมํ ปฏิจฺจ นนเกนจิ วิญฺเญยฺโย ธมฺโม อุปฺปชฺชติ เหตุปจฺจยา… ตีณิ.

นเกนจิ วิญฺเญยฺยญฺจ นนเกนจิ วิญฺเญยฺยญฺจ ธมฺมํ ปฏิจฺจ นเกนจิ วิญฺเญยฺโย ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา นว…เป… อวิคเต นว. (สพฺพตฺถ วิตฺถาโร.)

จูฬนฺตรทุกํ นิฏฺฐิตํ.