๑-๗. ปฏิจฺจวาราทิ

๑๑. นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ นสุขาย เวทนาย สมฺปยุตฺโต จ นทุกฺขาย เวทนาย สมฺปยุตฺโต จ นอทุกฺขมสุขาย เวทนาย สมฺปยุตฺโต จ ธมฺมา อุปฺปชฺชนฺติ เหตุปจฺจยา. (๗)

นทุกฺขาย เวทนาย สมฺปยุตฺตํ ธมฺมํ ปฏิจฺจ นทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… สตฺต.

นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา… สตฺต. (สํขิตฺตํ.)