๑-๑๓-๑๘. เหตุทุก-อาสวโคจฺฉกานิ

๑๔. นเหตุํ โนอาสวํ ธมฺมํ ปฏิจฺจ เหตุ อาสโว ธมฺโม อุปฺปชฺชติ เหตุปจฺจยา. นเหตุํ โนอาสวํ ธมฺมํ ปฏิจฺจ นเหตุ อาสโว ธมฺโม อุปฺปชฺชติ เหตุปจฺจยา. นเหตุํ โนอาสวํ ธมฺมํ ปฏิจฺจ เหตุ อาสโว จ นเหตุ อาสโว จ ธมฺมา อุปฺปชฺชนฺติ เหตุปจฺจยา. ตีณิ.

นนเหตุํ โนอาสวํ ธมฺมํ ปฏิจฺจ เหตุ อาสโว ธมฺโม อุปฺปชฺชติ เหตุปจฺจยา. เอกํ.

นเหตุํ โนอาสวญฺจ นนเหตุํ โนอาสวญฺจ ธมฺมํ ปฏิจฺจ เหตุ อาสโว ธมฺโม อุปฺปชฺชติ เหตุปจฺจยา. เอกํ. เหตุยา ปญฺจ.

นเหตุํ นโนอาสวํ ธมฺมํ ปฏิจฺจ นเหตุ โนอาสโว ธมฺโม อุปฺปชฺชติ เหตุปจฺจยา. เอกํ.

นนเหตุํ นโนอาสวํ ธมฺมํ ปฏิจฺจ นเหตุ โนอาสโว ธมฺโม อุปฺปชฺชติ เหตุปจฺจยา. นนเหตุํ นโนอาสวํ ธมฺมํ ปฏิจฺจ เหตุ โนอาสโว ธมฺโม อุปฺปชฺชติ เหตุปจฺจยา. นนเหตุํ นโนอาสวํ ธมฺมํ ปฏิจฺจ เหตุ โนอาสโว จ นเหตุ โนอาสโว จ ธมฺมา อุปฺปชฺชนฺติ เหตุปจฺจยา ตีณิ.

นเหตุํ นโนอาสวญฺจ นนเหตุํ นโนอาสวญฺจ ธมฺมํ ปฏิจฺจ นเหตุ โนอาสโว ธมฺโม อุปฺปชฺชติ เหตุปจฺจยา. เอกํ. เหตุยา ปญฺจ.

๑๕. นเหตุํ นสาสวํ ธมฺมํ ปฏิจฺจ นเหตุ สาสโว ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอนาสวํ ธมฺมํ ปจฺจยา เหตุ อนาสโว ธมฺโม อุปฺปชฺชติ เหตุปจฺจยา… เหตุยา ตีณิ.

๑๖. นนเหตุํ นอาสวสมฺปยุตฺตํ ธมฺมํ ปฏิจฺจ นเหตุ อาสวสมฺปยุตฺโต ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอาสววิปฺปยุตฺตํ ธมฺมํ ปฏิจฺจ เหตุ อาสววิปฺปยุตฺโต ธมฺโม อุปฺปชฺชติ เหตุปจฺจยา… เหตุยา นว.

๑๗. นเหตุํ นอาสวญฺเจว นอนาสวญฺจ ธมฺมํ ปฏิจฺจ เหตุ อาสโว เจว สาสโว จ ธมฺโม อุปฺปชฺชติ เหตุปจฺจยา… เหตุยา ปญฺจ.

นเหตุํ นอนาสวญฺเจว นโน จ อาสวํ ธมฺมํ ปฏิจฺจ นเหตุ สาสโว เจว โน จ อาสโว ธมฺโม อุปฺปชฺชติ เหตุปจฺจยา… เหตุยา ปญฺจ.

๑๘. นเหตุํ นอาสวญฺเจว นอาสววิปฺปยุตฺตญฺจ ธมฺมํ ปฏิจฺจ เหตุ อาสโว เจว อาสวสมฺปยุตฺโต จ ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ นอาสววิปฺปยุตฺตญฺเจว นโน จ อาสวํ ธมฺมํ ปฏิจฺจ นเหตุ อาสวสมฺปยุตฺโต เจว โน จ อาสโว ธมฺโม อุปฺปชฺชติ เหตุปจฺจยา… เหตุยา ตีณิ.

๑๙. นเหตุํ อาสววิปฺปยุตฺตํ นสาสวํ ธมฺมํ ปฏิจฺจ นเหตุ อาสววิปฺปยุตฺโต สาสโว ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ อาสววิปฺปยุตฺตํ นอนาสวํ ธมฺมํ ปจฺจยา เหตุ อาสววิปฺปยุตฺโต อนาสโว ธมฺโม อุปฺปชฺชติ เหตุปจฺจยา… เหตุยา ตีณิ.